OMG! 100 વર્ષોની FD જેટલું વળતર માત્ર 3 વર્ષમાં; આ શેરની તેજી તો 1500% કરતા પણ વધારે

નવી દિલ્હીઃ હિલ્ટન ફોર્જિંગ લિમિટેડના શેરોએ તેના રોકાણકારોને મલ્ટીબેગર વળતર આપ્યું છે. 3 વર્ષના ટૂંકાગાળામાં આ શેર 1500 ટકાથી પણ વધારે ભાગ્યો છે. હાલ બીએસઈ પર આ શેરનો ભાવ 157 રૂપિયા છે.

શેરબજારમાં મલ્ટીબેગર શેર, સરળ શબ્દોમાં કહીએ તો વળતરના મામલે માલામાલ કરી દેતા શેરોની અછત નથી. હેરાન કરનારી વાત તો એ છે કે, દેશની દિગ્ગજ કંપનીઓની તુલનામાં નાની કંપનીઓએ ગત કેટલાક વર્ષોમાં મલ્ટીબેગર વળતર આપ્યું છે. જેના કારણે રોકાણકારોને બમણું નહિ પણ તેનાથી કેટલાય ગણું વધારે વળતર મળ્યું છે.

મલ્ટીબેગર શેરની યાદીમાં નામ આવે છે, હિલ્ટન મેટલ ફોર્જિંગ લિમિટેડના શેરોનું જેણે માત્ર 3 વર્ષના ગાળામાં 1500 ટકાથી પણ વધારે વળતર આપ્યું છે. આ મલ્ટીબેગર શેર 22 મે 2022ના રોજ 8.69 રૂપિયા પર બંધ થયો હતો અને બીએસઈ પર ભાવ 157 રૂપિયા છે.

જો કોઈ રોકાણકારે 3 વર્ષ પહેલા હિલ્ટન મેટલના શેરોમાં રોકાણ કર્યું હોત તો તેના 1 લાખનું મૂલ્ય આજે વધીને 17.59 લાખ રૂપિયા થઈ ગયું હોત. આ તુલનામાં આ દરમિયાન સેન્સેક્સ 101 ટકા વધ્યો છે.

બિઝનેસ ટૂડેની રિપોર્ટ અનુસાર, ટેકનિકલ એનાલિસિસની દ્રષ્ટિથી હિલ્ટર મેટલ શેરનો આરએસઆઈ 68.6 પર છે. જે સંકેત આપે છે કે, આ શેર ન તો વધારે ખરીદી અને ન તો વધારે વેચવાલીના ઝોનમાં ટ્રેડ કરી રહ્યો છે. હિલ્ટન મેટલના શેરોનો બીટા 0.8નો છે. હિલ્ટન મેટલના શેર 5 દિવસ, 20 દિવસ, 50 દિવસ, 100 દિવસ અને 200 દિવસની મૂવિંગ એવરેજથી ઉપર કારોબાર કરી રહ્યા છે.

મેટલ ફર્મનો આ શેર એક મહિનામાં 13 ટકા વધ્યો છે, જ્યારે બીએસઈ પર ફર્મની માર્કેટ કેપ વધીને 321.09 કરોડ રૂપિયા થઈ ગઈ છે. માર્ચ 2023ના ક્વાટરમાં કંપનીએ તેના ચોખ્ખા નફામાં 27 ટકાનો ઘટાડો નોંધાવ્યો છે. વેચાણ 8 ટકા ઘટીને 30.66 કરોડ રૂપિયા રહી ગયું, જે માર્ચ 2022 ક્વાટરમાં 33.29 કરોડ રૂપિયા હતું.

હિલ્ટર મેટલ ઘરેલૂ અને આંતરરાષ્ટ્રીય બંને બજારો માટે સ્ટીલ ફોર્જ્લ ફ્લેન્ગેસ, ફિટિંગ્સ અને ઓઈલફીલ્ડ અને મરીન પ્રોડક્ટ્સની અગ્રણી નિર્માતા અને ડિસ્ટ્રીબ્યૂશન કંપની છે.<br /><br />

(ડિસ્ક્લેમરઃ અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)