આઈડિયા લોકોને લાગ્યો કચરો, તેનાથી સુનીરાએ ઉભી કરી 8200 કરોડની કંપની, પાકિસ્તાન સાથે છે કનેક્શન

નવી દિલ્હી: અમેરિકન ફિનટેક ફર્મ સ્ટેક્સ (Stax)ના સહ-સ્થાપક અને સીઈઓ સુનિરા માધાની(Suneera Madhani)ના આઇડિયાને અમુક લોકોએ કામ વગરનો કહ્યો હતો, તે આઇડિયાને કારણે સુનિરાએ તેના ભાઈ સાથે મળીને 8,200 કરોડની કંપની બનાવી છે. સુનીરાએ માત્ર સફળ સ્ટાર્ટઅપ જ બનાવ્યું નહીં, પરંતુ તેના બિઝનેસ માટે પૈસા પણ એકઠા કર્યા હતા. (Image : @SuneeraMadhani/twitter)

મહિલાઓ બિઝનેસ સફળતાપૂર્વક ચલાવી શકતી નથી, તેમણે તેવી અમેરિકાની માન્યતાને તોડી નાખી છે. આ માન્યતાને કારણે મહિલા સાહસિકોને ફંડ મેળવવામાં ઘણી મુશ્કેલીનો સામનો કરવો પડે છે.(Image : @SuneeraMadhani/twitter)

સુનીરા માધાની મૂળ પાકિસ્તાની છે. તેના માતા-પિતા પાકિસ્તાનથી અમેરિકા ગયા હતા. કૌટુંબિક વ્યવસાય ડૂબી જવાથી તેમના પિતાને ભારે આર્થિક નુકસાન થયું હતું. સુનીરાએ ફ્લોરિડા યુનિવર્સિટીમાં ફાઇનાન્સનો અભ્યાસ કર્યો છે. આ પછી તેણે પેમેન્ટ પ્રોસેસર કંપની ફર્સ્ટ ડેટામાં નોકરી શરૂ કરી હતી. તેનું કામ બિઝનેસ માલિકને પેમેન્ટ ટર્મિનલ વેચવાનું હતું. (Image : @SuneeraMadhani/twitter)

નોકરી પર હતા ત્યારે, સુનીરાએ નોંધ્યું કે તેમની કંપનીનું પેમેન્ટ પ્લેટફોર્મ વેચાણ મોડલની ટકાવારી અપનાવીને ગ્રાહકો પાસેથી ચાર્જ વસૂલી રહ્યું છે, જ્યારે ઘણા ગ્રાહકો ફ્લેટ રેટ આધારિત માસિક સબ્સ્ક્રિપ્શન્સ લેવા માટે વધુ વલણ ધરાવે છે. તેમણે તેમની કંપનીના અધિકારીઓને ગ્રાહકોને આ વિકલ્પ આપવાની સલાહ આપી. પરંતુ, તેણે સુનીરાના આ વિચારને એ કહીને ફગાવી દીધો કે તેનો કોઈ ફાયદો નથી. (Image : @SuneeraMadhani/twitter)

સુનીરાએ તેના માતાપિતા સાથે આ વિચારની ચર્ચા કરી હતી. તેના પિતાએ તેને સલાહ આપી કે, પોતાનો આઈડિયા બીજાને આપવાને બદલે પોતાના આઈડિયાને આકાર આપવા માટે સ્ટાર્ટઅપ કેમ ન શરૂ કરીએ. ફંડના નામે તેમનો માત્ર છ મહિનાનો પગાર હતો. (Image : @SuneeraMadhani/twitter)

સુનીરા માધાનીએ તેના ભાઈ રહેમતુલ્લા સાથે મળીને વર્ષ 2014માં સ્ટેક્સ કંપનીની સ્થાપના કરી હતી. જ્યારે અન્ય પેમેન્ટ પ્લેટફોર્મ વેચાણ મોડલની ટકાવારી પર કામ કરી રહ્યા હતા, ત્યારે સ્ટેક્સે ફ્લેટ રેટ માસિક સબસ્ક્રિપ્શન મોડલ પર કામ કરવાનું શરૂ કર્યું હતું. (Image : @SuneeraMadhani/twitter)

સુનીરાએ પોતાના બિઝનેસ માટે સિલિકોન વેલીને બદલે ઓર્લેન્ડોની પસંદગી કરી હતી. ત્યાં તેને શરૂઆતમાં 100 ગ્રાહકો મળ્યા હતા. સુનીરાને કંપનીને 145 કરોડમાં વેચવાની ઓફર પણ મળી હતી. પરંતુ, તેણે તેને ઠુકરાવી દીધી હતી. (Image : @SuneeraMadhani/twitter)

સુનીરાની કંપનીના સ્ટેક્સની કિંમત આજે 8200 કરોડ રૂપિયા છે. તેમની કંપનીમાં 300 કર્મચારીઓ કામ કરે છે. છેલ્લાં આઠ વર્ષમાં, સ્ટેક્સે $23 બિલિયનના મૂલ્યના વ્યવહારો સંભાળ્યા છે. સુનીરાએ CEO સ્કૂલ નામનું સેલ્ફ હેલ્પ ગ્રુપ પણ બનાવ્યું છે. લગભગ 3 લાખ વર્કિંગ વુમન તેની સાથે સંકળાયેલી છે. (Image : @SuneeraMadhani/twitter)