દુકાળિયા પ્રદેશમાં કરી સ્ટ્રોબેરીની ખેતી, આજે લાખોની કમાણી, જુઓ ફોટોઝ

બાલાજી વિઠ્ઠલ નિરફળ\ ઉસ્માનાબાદઃ દુકાળ અથવા પાણીની અછત ધરાવતા વિસ્તારમાં આમ પણ સામાન્ય રીતે ખેતી કરવી ખૂબ મુશ્કેલ કામ હોય છે તેમાં પણ જો કોઈ એમ કહે કે મારે સ્ટ્રેબેરીની ખેતી કરવી છે તો લોકો સમજે પાગલ થઈ ગયા છે કે શું? જોકે આ બાપ દીકરાએ સપનું જોયું અને આધુનિક ખેતી પદ્ધતિનો લાભ લઈને આ સપનું પૂરું પણ કર્યું.

દુષ્કાળગ્રસ્ત અને સૂકાભઠ્ઠ જિલ્લા તરીકે ઉસ્માનાબાદની ઓળખ ધીમે ધીમે પરંતુ ચોક્કસપણે બદલાઈ રહી છે. ઉસ્માનાબાદ જિલ્લામાં આ ખેડૂતે 5 એકર જમીનમાં સ્ટ્રોબેરીનું વાવેતર કર્યું છે.

આનાથી ખેડૂત પિતા-પુત્રને લાખો રૂપિયાની આવક થઈ રહી છે.

હાલમાં સ્ટ્રોબેરીનો ભાવ 450 રૂપિયા પ્રતિ કિલો છે. તેથી સ્ટ્રોબેરીની ખેતી ખેડૂતોને માલામાલ બનાવે છે તેમ કહેવામાં કોઈ અતિશયોક્તિ નથી.

કળંબ તાલુકાના પાથર્ડીના પિતા અને પુત્ર શિવાજી સાખરે અને પ્રદીપ સાખરેએ પહેલા એક એકર જમીનમાં સ્ટ્રોબેરીની ખેતી કરી હતી.

જેમાંથી તેમણે બે લાખથી વધુની કમાણી કરી હતી.

તુળજાપુર તાલુકાના સચિન સૂર્યવંશી અને વૈભવ સૂર્યવંશી બંનેએ પણ સ્ટ્રોબેરીની ખેતી કરીને લાખો રૂપિયાની કમાણી કરી હતી.

સામાન્ય રીતે સૂકી જમીન ગણાતા ઉસ્માનાબાદ જિલ્લામાં હાલમાં સ્ટ્રોબેરીની ખેતી નફાકારક જોવા મળી રહી છે.

છેલ્લા બે-ત્રણ વર્ષમાં સારા વરસાદને કારણે ઉસ્માનાબાદ જિલ્લાના ખેડૂતો સ્ટ્રોબેરીની ખેતી તરફ વળ્યા છે. તેનાથી ખેડૂતોને ઘણો ફાયદો થતો જોવા મળી રહ્યો છે.