1/ 6
નવી દિલ્હી : ઉત્તર પ્રદેશના સોનભદ્ર (Gold Mine Sonbhadra)માં લગભગ ત્રણ હજાર ટન સોનું મળવાની વાત ભારતીય પુરાતત્ય સર્વેક્ષણ (GSI)એ ફગાવી દીધી છે. એજન્સીએ સ્પષ્ટ કર્યું કે ત્રણ હજાર ટન નહીં માત્ર 160 કિલો સરેરાશ દરજ્જાનું સોનું મળવાની શક્યતા છે.
2/ 6
GSIની સ્પષ્ટતાની સાથે તે તમામ અહવાલો પર બ્રેક વાગી ગઈ જેમાં છેલ્લા એક સપ્તાહથી સોનભદ્રમાં ભારે માત્રામાં સોનું મળવાનો દાવો કરવામાં આવી રહ્યો હતો. તો જાણવા અગત્યનું છે કે સોનભદ્રમાં ત્રણ હજાર ટન સોનું હોવાની વાત ફેલાઈ ક્યાંથી?
3/ 6
IANSના રિપોર્ટ મુજબ, તેમની તપાસમાં જાણવા મળ્યુ્ર કે આ તમામ ખેલ ઉત્તર પ્રદેશ ખાણ-ખનીજ વિભાગ અને સોનભદ્રના કલેક્ટરની વચ્ચે થયેલો પત્ર વ્યવહાર લીક થયા બાદ શરૂ થયો. એજન્સીએ પોતાના રિપોર્ટમાં ઉત્તર પ્રદેશના માઇનિંગ ડાયરેક્ટર દ્વારા 31 જાન્યુઆરી 2020ના લખેલા પત્રનો હવાલો આપ્યો. રિપોર્ટ મુજબ, તેમાં સોનભદ્ર જિલ્લાના સોના પહાડી બ્લોકમાં કુલ 2943.26 ટન અને હરદી બ્લોકમાં 646.15 કિલોગ્રામ સોનું હોવાની શક્યતા વ્યક્ત કરવામાં આવી છે. આ પ્રકારનો આ પત્ર બતાવે છે કે સોનભદ્ર જિલ્લાના બે બ્લોકમાં લગભગ ત્રણ હજાર ટન સોનું હોવાનું શક્યતા છે.
4/ 6
આ પત્રમાં કહેવામાં આવ્યું છે કે જીએસઆઈ ઉત્તર ક્ષેત્રના લખનઉ તરફથી ખનીજોની હજારીના રિપોર્ટ ઉપલબ્ધ કરાવવામાં આવ્યા છે. ખનીજોના બ્લોકની હજારી પહેલા ભૂમિનું માર્કિંગ કરવામાં આવે છે. સોનું કાઢવા માટે આ પત્રમાં સાત સભ્યોની ટીમની રચના પણ કરવામાં આવી છે. પત્રમાં સોનભદ્રના જિલ્લાધિકારી (કલેક્ટર) તરફથી આ સંબંધમાં 20 જાન્યુઆરીએ પત્ર વ્યવહાર કરવાની પણ જાણકારી આપવાામં આવી છે.
5/ 6
જ્યારે 31 જાન્યુઆરીનો આ પત્ર ગત 19 ફેબ્રુઆરીએ સોનભદ્રના સ્થાનિક મીડિયાના હાથે લાગ્યો તો આ અહેવાલ આગળની જેમ ફેલાઈ ગયો કે સોનભદ્રના ગર્ભમાં સોનું જ સોનું ભરેલું છે. જિલ્લામાં ત્રણ હજાર ટન સોનું મળવાના અહેવાલો બાદ ટીવી ચેનલોએ માહોલ બનાવવાનો શરૂ કરી દીધો કે ભારત ફરીથી 'સોને કી ચિડિયા' બનવાનું છે.
