2 કરોડનું ફંડ બનાવવું હોય તો વધુ કંઈ જ કરવાની જરુર નથી, ફક્ત રુ.6000 ની SIP કરી શકે જાદુ

જો તમે નોકરી કરી રહ્યા છો તો તમારે રિટાયરમેન્ટ પ્લાનની તૈયારી કરવી જોઈએ. રિટાયરમેન્ટ પછી તમે કરોડો રૂપિયા ભેગા કરી શકો છો. તેના માટે તમારે થોડું રિસ્ક લેવું પડશે અને તમે ઘરબેઠા તે કરી શકશો. તેના માટેનો શ્રેષ્ઠ ઓપ્શન મ્યુચ્યુઅલ ફંડને માનવામાં આવે છે. જેમાં લાંબાગાળે તમારું ફંડ 10 ગણું વધી શકે છે.

આ સિવાય જો તમે એકદમ સુરક્ષીત રોકાણનું વિચારી રહ્યા છો તો બેંક એફડી અને પોસ્ટ ઓફિસની સ્કીમમાં રોકાણ કરવું જોઈએ. પરંતુ તેમાં મળતા રિટર્નથી કોઈ મોટો ફાયદો થશે નહીં. તેની સામે SIP તમને સારું વળતર આપવા સક્ષમ છે.

વ્યાજથી થશે કમાણી: ધારોકે તમે 20 વર્ષની ઉંમરે રોકાણ શરુ કર્યું. જો તમે 25 વર્ષ સુધી દર મહિને 6000નું રોકાણ કરો છો અને જો એવરેજ રિટર્ન 12% મળે તો 45 વર્ષની ઉંમરે 1 કરોડથી વધુનું નાણું જમા થઇ જશે. SIP કેલ્ક્યુલેટર મુજબ 25 વર્ષમાં કુલ 1,13,85,811 રૂપિયા મળશે. જેમાં તમારું કુલ રોકાણ 18 લાખ હશે. આ સિવાય 95,85,811 જેટલી મોટી રકમ વ્યાજ રૂપે મળશે.

30 વર્ષ રોકાણ કરો: જો તમે 30 વર્ષ સુધી સતત રોકાણ કરો છો તો કુલ રોકાણ 21,60,000 રૂપિયા થશે. 50 વર્ષની ઉંમરે તમારી પાસે 2,11,79,483 રૂપિયા હશે. જેમાં 1,90,19,483 રૂપિયાનું વ્યાજ મળવા પાત્ર રહેશે.

500 રૂ.થી શરૂઆત: SIPમાં રોકાણની શરૂઆત 500 રૂ.થી કરી શકાય છે. મોટા ભાગના દરેક એક્સપર્ટનું માનવું છે કે SIP દ્વારા ઓછા સમયમાં વધુ રોકણ કરી શકાય છે. SIP ઇન્વેસ્ટમેન્ટ બજાર જોખમોને આધીન છે.

નોંધ: ન્યુઝ18 પર આપવામાં આવેલી સલાહ અથવા મંતવ્યો નિષ્ણાત, બ્રોકરેજ ફર્મ, વેબસાઈટ અથવા મેનેજમેન્ટના અંગત મંતવ્યો છે. ન્યુઝ18 તમારા નફા-નુકસાન માટે જવાબદાર નથી. રોકાણ કરતા પહેલા, તમારા નાણાકીય સલાહકાર અથવા પ્રમાણિત નિષ્ણાતની સલાહ લો.