15 મહિનામાં 1 લાખના 11 લાખ બન્યા, હવે ડિવિડન્ડ સાથે સ્પ્લિટ થતાં 1 શેરના પાંચ શેર બનશે

ઈલેક્ટ્રિક ઈક્વિપમેન્ટ ઈન્ડસ્ટ્રી સાથે જોડાયેલ સ્મોલ કેપ કંપની સર્વોટેક પાવર સિસ્ટમના બોર્ડના રોકાણકારો માટે ડિવિડન્ડની જાહેરાત કરી છે. કંપનીએ પોતાના શેરધારકોને પ્રતિ ઈક્વિટી શેર રૂ.0.20 ડિવિડન્ડ આપશે. કંપની 1:5 રેશિયોમાં સ્ટોક સ્પ્લિટ કરવા જઈ રહી છે.

જેનો અર્થ છે કે, સ્પ્લિટ બાદ શેરધારકનો એક શેર પાંચમાં પરિવર્તિત થઈ જશે. કંપનીએ પોતાના શેરની ફેસ વેલ્યૂ પ્રતિ ઈક્વિટી શેર રૂ.10માંથી રૂ.2માં સબ ડિવાઈડ કરવાનો નિર્ણય લીધો છે. કંપનીએ તે માટે 3 ફેબ્રુઆરી રેકોર્ડ ડેટ નક્કી કરી છે.

કંપનીનો પ્લાન શું છે? -ફર્મે જણાવ્યું છે કે, સમગ્ર ભારતમાં કંપની પોતાની ચેનલ ડિસ્ટ્રિબ્યુશન નેટવર્કને વિસ્તારિત કરી રહી છે. કંપનીએ ડિસેમ્બર 2022માં સમાપ્ત થતા ક્વાર્ટર દરમિયાન 1,500થી વધુ EV ચાર્જર પ્રોવાઈડ કરવાની ઉપલબ્ધિ પ્રાપ્ત કરી છે.

સર્વોટેક પાવર સિસ્ટમે જણાવ્યું છે કે, ઈન્ટરનેશનલ બિઝનેસ માર્કેટમાં વિસ્તારિત કરવામાં આવ્યો છે અને કોમપોર્ટ ડેવલપ કર્યો છે, જે એક સોલાર પર્ફોર્મન્સ મોનિટરીંગ ડિવાઈસ છે. કંપનીએ લી-આયન અને ટ્યૂબલર બેટરીના નિર્માતા ટેકબેકને શામેલ કર્યું છે. ડિવિડન્ડ અને સ્ટોક સ્પ્લિટ સહિત કોર્પોરેટ કાર્યોને લાગુ કરવાની સાથે ત્રીજા ક્વાર્ટરમાં મજબૂત પ્રદર્શન કર્યું છે.

કંપનીનું પરિણામ કેવું રહ્યું? - નાણાંકીય વર્ષ 2023ના ત્રીજા ક્વાર્ટરમાં કંપનીએ કંસોલિડેટેડના આધાર પર 83.27 કરોડ રૂપિયાનું નેટ વેચાણ કર્યું છે. નાણાંકીય વર્ષ 2022ના ત્રીજા ક્વાર્ટરમાં 41.41 કરોડ નેટ વેચાણ નોંધાયું હતું, જેના કરતા 101 ટકાથી વધુ નેટ વેચાણ નાણાંકીય વર્ષ 2023ના ત્રીજા ક્વાર્ટરમાં નોંધાયું છે.

નાણાંકીય વર્ષ 2022ના ત્રીજા ક્વાર્ટરમાં કંસોલિડેટેડ નેટ પ્રોફિટ 1.07 કરોડ રૂપિયા નોંધાયો, જ્યારે નાણાંકીય વર્ષ 2023ના ત્રીજા ક્વાર્ટરમાં કંસોલિડેટેડ નેટ પ્રોફિટમાં 261 ટકાનો વધારો થતા 3.87 કરોડ રૂપિયા નફો નોંધાયો છે. નાણાંકીય વર્ષ 2022ના ત્રીજા ક્વાર્ટરમાં સર્વોટેક પાવર સિસ્ટમની પ્રતિ શેર આવક રૂ. 0.58 હતી જે, વધીને ડિસેમ્બર 2022માં રૂ. 1.82 થઈ ગઈ છે.

શેરમાં 6 મહિનામાં 273 ટકાની વૃદ્ધિ- આ સ્ટોકે લાંબા ગાળાના રોકાણકારોની સાથે સાથે ટૂંકા ગાળાના રોકાણકારોને પણ જબરદસ્ત રિટર્ન આપ્યું છે. છેલ્લા 1 મહિનામાં આ સ્ટોકમાં 40 ટકાની વૃદ્ધિ થઈ છે. છેલ્લા 6 મહિનાની વાત કરવામાં આવે તો આ શેરમાં 273 ટકાની તેજી આવી છે. છેલ્લા 5 વર્ષમાં આ સ્ટોકે 779 ટકા રિટર્ન આપ્યું છે. કંપનીએ તાજેતરમાં ડિવિડન્ડ અને સ્ટોક સ્પ્લિટની જાહેરાત કરી છે, જેના કારણે ફરી એકવાર શેરમાર્કેટમાં હલચલ જોવા મળી રહી છે.

રોકાણકારોની રકમમાં 11 ગણો વધારો - આ સ્ટોકમાં જે પણ રોકાણકારોએ રોકણ કર્યું છે, તે રકમમાં છેલ્લા 15 મહિનામાં 9 ગણી વૃદ્ધિ થઈ છે. ઓક્ટોબર 2021માં સર્વોટેક કંપનીના એક શેરની કિંમત રૂ.19.05 હતી, જે હવે રૂ.221.60 થઈ ગઈ છે. જેનો અર્થ છે કે, રોકાણકારોના પૈસામાં 11.5 ગણો વધારો થયો છે. ઓક્ટોબર 2021માં આ સ્ટોકમાં રૂ.1 લાખનું રોકાણ કર્યું હોત તો આ રકમ 11.5 લાખ રૂપિયા થઈ ગઈ હોત.

(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)