SBIની ગ્રાહકોને ભેટ: હોમ લોન, કાર, પર્સનલ અને ગોલ્ડ લોન પર આપી છે ભારે છૂટ

દેશની સૌથી મોટી બેંક સ્ટેટ બેંક ઓફ ઇન્ડિયા (SBI)એ પણ તેના રિટેલ ગ્રાહકો માટે ખાસ ઓફર લઇને આવી છે. હોમ લોન પર પ્રોસેસિંગ ફી માફીની જાહેરાત પછી બેંકે તમામ ચેનલો પર તેના કાર લોન ગ્રાહકો માટે પ્રોસેસિંગ ફી પર 100 ટકા છૂટની જાહેરાત કરી છે. ગ્રાહક તેના કાર લોન માટે 90 ટકા સુધી ઓન-રોડ ફાઇનેન્સિંગની સુવિધાનો લાભ પણ લઇ શકે છે. ઉપરાંત SBI અન્ય રાહત વ્યાજદર સાથે આવ્યું છે.

પર્સનલ લોન અને પેન્શન લોન- પર્સનલ અને પેન્શલ લોન ગ્રાહકો માટે બેંક તમામ ચેનલો પર પ્રોસેસિંગ ફીમાં 100 ટકાની છૂટ આપવાની જાહેરાત કરી છે. બેંકે પર્સનલ લોન માટે અરજી કરતા કોવિડ વોરિયર્સ એટલે ફ્રન્ટલાઇન હેલ્થકેર વર્કર્સને 50 બીપીએસની વિશેષ વ્યાજ છૂટની પણ જાહેરાત કરી છે, જે કાર અને ગોલ્ડ લોન હેઠળ પણ મળશે.

કાર લોન- SBI યોનોના માધ્યમથી કાર લોન માટે અરજી કરતા ગ્રાહકોને વિશેષ 25 બીસીએસ (25 Bps) નાં વ્યાજની છૂટ આપવામાં આવી છે. SBI YONOના એવા યુઝર જે નવી કાર ખરીદવાની યોજના બનાવી રહ્યા છે, તે વાર્ષિક 7.5 ટકાના નીચા વ્યાજદરે લોનનો લાભ લઇ શકે છે.

ગોલ્ડ લોન- ગોલ્ડ લોન ગ્રાહકો માટે બેંક વ્યાજ દરોમાં 75 બીપીએસના ઘટાડાની ઓફર કરી રહી છે. ગ્રાહક હવે બેંકના તમામ ચેનલોમાંથી 7.5 ટકા વાર્ષિક દરથી ગોલ્ડ લોન પ્રાપ્ત કરી શખે છે. બેંકે YONO ના માધ્યમથી ગોલ્ડ લોન માટે અરજી કરતા તમામ ગ્રાહકો માટે પ્રોસેસિંગ ફી પણ માફ કરી છે.

ફિક્સ્ડ ડિપોઝિટ- રિટેલ ડિપોઝિટર માટે બેંક સ્વતંત્રતાના 75 વર્ષ પૂર્ણ થવા પર ફિક્સ્ડ ડિપોઝિટ શરૂ શરૂ કરી છે. ગ્રાહક હવે 15.08.2021થી 14.09.2021 સુધી 75 દિવસ, 75 અઠવાડિયા અને 75 મહિનાની અવધિ માટે ફિક્સ્ડ ડિપોઝિટ પર 15 બીપીએસ સુધી વધારાના વ્યાજનો લાભ મેળવી શકો છો.