સેવિંગ એકાઉન્ટમાં પણ મળી શકે છે 7 ટકા સુધીનું વ્યાજ, આ બેંકો વ્યાજ આપવામાં અવ્વલ

AU સ્મોલ ફાઇનાન્સ બેંક - બચત ખાતાની રકમ પર આ સ્મોલ ફાઇનાન્સ બેંક 7 ટકા સુધી વ્યાજ આપે છે. ઓછામાં ઓછુ 3.5 ટકા વ્યાજ મળે છે. 2,000 રૂપિયાથી લઈને 5,000 રૂપિયા સુધીનું મિનિમમ બેલેન્સ જાળવવાનું હોય છે.

ઇક્વિટાસ સ્મોલ ફાઇનાન્સ બેન્ક - આ બેંક પણ 3.5થી 7 ટકા સુધીનું વ્યાજ આપે છે. મિનિમમ બેલેન્સ 2,500 રૂપિયાથી 10,000 રૂપિયા જેટલું રાખવું પાડે છે.

ઉજ્જીવન સ્મોલ ફાયનાન્સ બેંક - આ બેંકમાં સેવિંગ બેંક બેલેન્સ પર 3.5થી 7 ટકા વ્યાજદર આપવામાં આવે છે. એકદંરે આ બેંકના વ્યાજદર પણ AU અને ઇક્વિટાસ જેવી નાની ફાઇનાન્સ બેંકો જેવા જ છે, પરંતુ ઉજ્જીવન બેંકમાં તમારા બચત ખાતામાં કોઈ મેન્ટનન્સ રાખવું પડતું નથી.

સુર્યોદય સ્મોલ ફાઇનાન્સ બેંક - સુર્યોદય સ્મોલ ફાઇનાન્સ બેંકમાં વ્યાજ દર 4 ટકાથી લઈને 6.25 ટકા સુધી છે. તમારે ખાતામાં મિનિમમ બેલેન્સ તરીકે 2,000 રૂપિયા રાખવાના હોય છે.

DCB બેંક - ખાનગી ક્ષેત્રના આ બેન્ક બચત થાપણો પર 2.25થી 7 ટકાના જેટલું વ્યાજ દર આપે છે. મિનિમમ બેલેન્સની જરૂરિયાત 2,500-5,000 રૂપિયા સુધીની હોય છે.

બંધન બેંક - આ બેંકના બચત ખાતાના વ્યાજ દર 3-6થી 5 ટકા સુધી છે. મિનિમમ બેલેન્સ તરીકે રૂપિયા 5,000 રાખવાના હોય છે.

IDFC ફર્સ્ટ બેંક - ખાનગી ક્ષેત્રની આ બેંકમાં બચત ખાતા પર 4 ટકા જેટલું લઘુતમ વ્યાજ મળે છે. જ્યારે મહત્તમ દર 6.25 ટકા સુધી મર્યાદિત છે. મિનિમમ બેલેન્સ તરીકે 10,000 રૂપિયા રાખવા પડે છે.

RBL બેંક - RBLમાં બચત ખાતા પરનું વ્યાજ 4.25 ટકાથી શરૂ થાય છે, જ્યારે મહત્તમ મર્યાદા 6.25 ટકા છે. તમારે 2,500 થી 5,000 રૂપિયાની વચ્ચે મિનિમમ બેલેન્સ જાળવવું પડે છે.

યસ બેંક - યસ બેંકમાં બચત ખાતાના વ્યાજ સારા છે. આ બેંક બચત ખાતામાં 4થી 6.25 ટકા વ્યાજ ઓફર કરે છે. જો કે મિનિમમ બેલેન્સ 10,000-25,000 રૂપિયા સુધી રાખવું પડે છે.

અહીં ઉલ્લેખનીય છેકે, યુનિયન બેંક ઓફ ઇન્ડિયા, કેનેરા બેંક, બેંક ઓફ બરોડા, પંજાબ એન્ડ સિંધ બેંક અને બેંક ઓફ ઇન્ડિયા જેવી મોટાભાગની જાહેર ક્ષેત્રની બેંકો બચત થાપણો પર 2.75 ટકાથી 3.55 ટકા નું વ્યાજ ચૂકવે છે. જો કે, તેમાં લઘુત્તમ બેલેન્સની રકમ ખૂબ ઓછી છે. તમારે 250-500થી લઈ રૂ. 1000 જેટલી રકમ રાખવાની હોય છે.

અહીં ડેટા સંકલન માટે તમામ લિસ્ટેડ (બીએસઈ) જાહેર અને ખાનગી ક્ષેત્રની બેંકોના બચત ખાતાઓ પરના વ્યાજ દરોને ધ્યાનમાં લેવામાં આવ્યા છે. બચત ખાતાઓ પર સૌથી વધુ વ્યાજ દર આપતી પાંચ બેંકો તેમની સંબંધિત કેટેગરીમાં લિસ્ટેડ છે. જે બેંકો માટે તેમની વેબસાઇટ્સ પર ડેટા ઉપલબ્ધ નથી તે ધ્યાનમાં લેવામાં આવી નથી.