આ કંપનીના શેર ખરીદવા માટે રોકાણકારોની પડાપડી, ત્રીજા દિવસે 5 ગણો સબસ્ક્રાઈબ થયો IPO

Sah Polymers IPO: સાહ પોલીમર્સના IPOને ત્રીજા દિવસે એટલે કે, મંગળવારે 5.35 ગણું સબસ્ક્રિપ્શન મળ્યું છે. NSEના આંકડા અનુસાર, શરૂઆતના શેર વેચાણમાં પ્રસ્તાવ પર 56,10,000 શેરની સરખામણીએ 2,99,95,450 શેર માટે બોલીઓ લગાવવામાં આવી છે.

રિટેઈલ ઈન્ડિવિજ્યુઅલ ઇન્વેસ્ટર્સ (RII)ની શ્રેણીને 16.53 ગણું સબસ્ક્રાઈબ કરવામાં આવ્યું છે. બિન-સંસ્થાકીય રોકાણકારોના હિસ્સાને 6.49 ગણો અને ક્વોલિફાઈડ ઈન્સ્ટિટ્યૂશનલ બાયર્સના હિસ્સાને1.05 ગણો સબસ્ક્રાઈબ કરવામાં કરવામાં આવ્યો છે. IPOમાં 1.02 કરોડ ઈક્વિટી શેરના નવા ઈશ્યૂ છે. પ્રતિ શેરની કિંમત રૂ. 61-65 છે. પેંટોમેથ કેપિટલ એડવાઈઝર્સ ઓફરના મેનેજર છે.

કંપનીની પ્રોફાઈલ: ઉદયપુરમાં આવેલ આ કંપની કીટનાશકો, દવાઓ, સિમેન્ટ, રસાયણ, ખાતર, ખાદ્ય ઉત્પાદન, કપડા, ચિનાઈ માટીની વસ્તુઓ અને સ્ટીલ સહિત વિભિન્ન પ્રકારના ઉદ્યોગમાં બિઝનેસ-ટુ-બિઝનેસ ઉત્પાદકો માટે જથ્થાબંધ પેકેજિંગ સોલ્યુશન પ્રદાન કરે છે. આ ઈક્વિટી શેરને BSE અને NSE પર લિસ્ટ કરવાની રજૂઆત કરવામાં આવી છે.

IPO ક્યારે ખુલ્યો: આ IPO 30 ડિસેમ્બર 2022ના રોજ સબસ્ક્રિપ્શન માટે ખોલવામાં આવ્યો હતો. 31 ડિસેમ્બર અને 1 જાન્યુઆરીના રોજ શેરબજાર બંધ હોવાને કારણે કારોબાર થયો નહોતો. આજે આ IPOનો ઈશ્યૂ 5 ગણાથી વધુ સબસ્ક્રાઈબ થઈ ગયો છે.

નિષ્ણાંતોનો મત: સાહ પોલિમર શેરની માર્કેટમાં ખૂબ જ માંગ છે. સાહ પોલીમર્સ IPOમાં ઑફર ફૉલ સેલ (OFS) માટે કોઈ રજૂઆત કરવામાં આવી નથી. ઈશ્યૂનો 75 ટકા હિસ્સો ક્વાલિફાઈડ ઇન્સ્ટીટ્યૂશનલ બાયર્સ (QIB) માટે અનામત રાખવામાં આવ્યો છે. જ્યારે 15 ટકા હિસ્સો નોન-ઈન્સ્ટીટ્યૂશનલ ઇન્વેસ્ટર્સ (NII) માટે અનામત રાખવામાં આવ્યો છે અને 10 ટકા હિસ્સો રિટેલ રોકાણકારો માટે રિઝર્વ રખાયો છે. શેર્સનું અલૉટમેન્ટ 9 જાન્યુઆરીના ફાઈનલ થશે.

તેમજ 12 જાન્યુઆરી 2023 ગુરુવારના રોજ કંપનીના શેર BSE અને NSE પર લિસ્ટ થવાની સંભાવના છે. સત ઈન્ડસ્ટ્રીઝ આ ઓફરની પ્રમોટર છે અને કંપનીમાં 91.79% ભાગીદારી ધરાવે છે. નવા શેરને જાહેર કરી એકત્ર કરેલ પૈસાનો ઉપયોગ કંપનીની ઉત્પાદન ક્ષમતા વધારવા, લોન ચૂકવવા, કંપનીની વર્કિંગ કેપિટલની જરૂરિયાતોને પૂરી કરવા અને સામાન્ય કોર્પોરેટ ઉદ્દેશ્યોમાં કરવામાં આવશે.

આ IPOમાં શા માટે મૂડી રોકવી?  - આ કંપની બહુ સારી ક્વોલિટી પ્રોડક્ટ મિક્સ ધરાવે છે. તે તમામ પ્રદેશોમાં કન્ઝ્યુમર બેઝ ધરાવે છે અને પ્રોડક્ટ પોર્ટફોલિયોમાં વૈવિધ્ય છે. જોકે, હાલની ફાઈનાન્શિયલ સ્થિતિને ધ્યાનમાં લેતા આ ઈશ્યૂ થોડો મોંઘો ગણવામાં આવે છે.

(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)