Reliance & GAP : GAP ની ભારતમાં એન્ટ્રી પાક્કી, રિલાયન્સએ કર્યા ભાગીદારી કરાર

Reliance Gap Ecommerce : રિલાયન્સ રિટેઇલએ અમેરિકાની લોકપ્રિય ફેશન બ્રાન્ડ ગેપ સાથે ભાગીદારી કરી લીધી છે. ખૂબ વિશાળ વિઝન સાથે થયેલ ભાગીદારીમાં વિશિષ્ટ બ્રાન્ડ સ્ટોર, મલ્ટી બ્રાન્ડ સ્ટોર અને ડિજિટલ કોમર્સ પ્લેટફોર્મના મિશ્રણ દ્વારા ભારતીય ગ્રાહકોને ગેપની વિશિષ્ઠ અને નિવિનત્તમ ફેશન ઉપલબ્ધ થશે.

ભાગીદારીનો મુખ્ય ઉદ્દેશ્ય લોકોની કેઝ્યુઅલ લાઈફ સ્ટાઇલમાં GAP ની બ્રાન્ડેડ વસ્તુઓનો વિશેષ લાભ મળી શકશે. ઈ.સ. 1969 માં સન ફ્રાન્સિસ્કોમાં સ્થપાયેલી GAP કંપની વૈશ્વિક સ્તરે પથરાયેલી છે અને ફ્રેન્ચાઇઝી રિટેઇલ આઉટલેટ દ્વારા લોકો સાથે જોડાયેલ છે.

ફક્ત કપડાં વેચવા કરતા આ કંપની એક અલગ વિઝન સાથે દેશ-દેશ વચ્ચેના અંતરને ઘટાડે છે અને અમેરિકન શૈલીને જનજન સુધી પહોંચાડે છે. રિલાયન્સ કંપનીના એક નિવેદન મુજબ, રિલાયન્સ રિટેઇલ ગેપ સાથે મળીને પુરુષ, સ્ત્રી અને બાળકો માટે કપડાની નવી જ ફેશન લાવશે. વધુમાં કંપનીએ કહહ્યું કે, અમે અમારા ગ્રાહકો માટે કંઈક નવીનતમ અને શ્રેષ્ઠ લાવવા માટે ગેપ સાથે થયેલ કરારને લીધે ખુશી વ્યક્ત કરીએ છીએ.

કંપનીના સીઈઓ અખિલેશ પ્રસાદે જણાવ્યું હતું કે, રિલાયન્સ રિટેલ અને ગેપ ફેશન પ્રોડક્ટસ અને રિટેલ અનુભવો અમારા ગ્રાહકો સુધી પહોંચાડવામાં એકબીજાના પૂરક છે. આ સાથે બંને કંપનીઓએ પોતાની વાત રજુ કરી અને ખુશી વ્યક્ત કરી. સાથે ભારતમાં રિલાયન્સ જેવી કંપની સાથે જોડાઈને સારું માર્કેટ પ્રાપ્ત કરવાની ગેપને પણ વિશ્વાસ છે.