રાહુલ બોઝના 2 કેળાના કારણે રેલવેથી લઇને એમેઝોનને થયો ફાયદો!

એક્ટર રાહુલ બોઝે ચંદીગઢની એક 5 સ્ટાર હોટલમાં 2 કેળાનું બિલ સોશિયલ મીડિયા પર મૂક્યું હતું. જે પછી આ વાતને લઇને ભારે ટ્રેન્ડ થયું હતું. રાહુલે ટ્વિટમાં કહ્યું હતું કે બે કેળા માટે તેમને 442 રૂપિયા આપવા પડ્યા. જે પછી સરકારી વિભાગ હોટલને દંડ પણ લગાવવામાં આવ્યો હતો. જો કે આ તમામની વચ્ચે અલગ અલગ કંપીઓએ કેળાનું ઉદાહરણ આપી રસપ્રદ રીતે તેમનું પ્રમોશન કર્યું હતું.

નેચર બાસ્કેટે ટ્વીટ કરીને કહ્યું કે અમારા કેળા 442.5 રૂપિયાના નહીં પણ ખાલી 14 રૂપિયાના જ છે. એટલે તમને ના કહેવાનું કોઇ કારણ નહીં મળે.

તો રિલાયન્સ સ્માર્ટે ટ્વિટ કરીને કહ્યું કે 442 અમે આટલા બધા કેળા આપીએ છીએ.

એમેઝોન પ્રાઇમે કહ્યું કે 442ના બે કેળા ખરીદવાના બદલે તમે 129 રૂપિયામાં અમારું પ્રાઇમનું સબસ્ક્રિબ્શન લઇ લો.

તો પશ્ચિમ રેલ્વે કહ્યું કે અમારી સાથે પ્લાન કરો તમારી રજા. અમે સસ્તા દરે તમને અનેક પ્રવાસી સ્થળો પર લઇ જઇશું. આમ રાહુલ બોઝની મોંઘા કેળાની મુશ્કેલીમાં આ તમામ કંપનીઓએ ટ્વિટર પર પોતાનું પ્રમોશન કરી પોતાના ફાયદો કર્યો.