તમારું PPF એકાઉન્ટ પણ તમને બનાવી દેશે કરોડપતિ? આ રીતે કરો રોકાણ

આજે રોકાણ (Invest Money) કરવા માટે અનેક વિકલ્પો ઉપલબ્ધ છે, પરંતુ નોકરિયાત લોકો વચ્ચે પબ્લિક પ્રોવિડેન્ટ ફંડ (PPF) ખાસ લોકપ્રિય છે. પીપીએફ એકાઉન્ટ (Invest Money in PPF)માં સ્માર્ટ રીતે રોકાણ કરવાથી મોટી અમાઉન્ટ તૈયાર થઇ શકે છે.

ખાસ વાત એ છે કે, એકાઉન્ટમાં જમા પૈસા પર સરકાર વ્યાજ પણ આપે છે. તો આવો જાણીએ પીપીએફ એકાઉન્ટમાં રોકાણ કરી કરોડપતિ થવાની ફોર્મ્યુલા (PPF Account Investment Formula) વિશે.

કઇ રીતે કરવું જોઇએ રોકાણ? - સેબી રજીસ્ટર્ડ ટેક્સ અને ઇન્વેસ્ટમેન્ટ એક્સપર્ટ જીતેન્દ્ર સોલંકીએ જણાવ્યું કે, પીપીએફ એકાઉન્ટનો મેચ્યોરિટી પીરિયડ 15 વર્ષ છે. એક રોકાણકાર કોઇ પણ ઉપાડ વગર આગામી 5 વર્ષ માટે પોતાના પીપીએફ એકાઉન્ટનો વિસ્તાર કરી શકે છે.

ટ્રાન્સેન્ડ કન્સલ્ટેન્ટ્સના કાર્તિક ઝવેરીએ કહ્યું, જ્યારે તમે તમારા પીપીએફ એકાઉન્ટનો વિસ્તાર કરતા હોય ત્યારે તમારે રોકાણ માટે એક વિકલ્પ સાથે વિસ્તાર કરવો જોઇએ. તેનાથી તમને પીપીએફ મેચ્યોરિટીની રકમ અને નવા રોકાણ બંને પર વ્યાજ મળશે. જો કોઇ વ્યક્તિ આમ કરે તો રીટાયરમેન્ટ સમયે પોતાના પીપીએફ એકાઉન્ટમાં એક કરોડથી વધુ જમા કરી શકે છે.

આ રીતે સમજો ગણતરી- જો કોઇ પગારદાર વ્યક્તિ 30 વર્ષની ઉઁમરે પીપીએફ એકાઉન્ટ ખોલે છે અને 3 વખત પોતાના એકાઉન્ટનો વિસ્તાર કરે છે તો તે સ્થિતિમાં 30 વર્ષ સુધી પીપીએફ એકાઉન્ટમાં રોકાણની તક મળશે. માની લો કે રોકાણકાર કોઇના પીપીએફ એકાઉન્ટમાં દર વર્ષે રૂ. 1.50 લાખનું રોકાણ કરે છે, તો રોકાણના 30 વર્ષ બાદ મેચ્યોરિટીની રકમ રૂ. 1,54,,50,911 અથવા લગભગ રૂ. 1.54 કરોડ થશે.

આ કેલ્ક્યુલેશન પીપીએફના વર્તમાન વ્યાજદરો એટલે કે 7.10 ટકાના આધારે છે. પીપીએફ કેલ્ક્યુલેટર અનુસાર આ 30 વર્ષોમાં રોકાણકારોનું રોકાણ માત્ર રૂ.45 લાખ (રૂ.1.5 લાખ * 30) છે. તો વ્યાજ રૂ.1,09,50,911 છે.

જમા કરી શકો છો વાર્ષિક રૂ.1.5 લાખ - રોકાણકારો કોઇ પણ નજીકની પોસ્ટ ઓફિસ અથવા બેંકમાં 100 રૂપિયા જમા કરાવીને પીપીએફ એકાઉન્ટ ખોલાવી શકે છે. જોકે, કોઇને પોતાના પીપીએફ એકાઉન્ટમાં ઓછામાં ઓછા 500 રૂપિયા દર વર્ષે જમા કરાવવા ફરજીયાત છે. પીપીએફ એકાઉન્ટમાં 15 વર્ષનો લોક ઇન સમયગાળો હોય છે, જેમાં એક પગારદાર વ્યક્તિ એક નાણાકિય વર્ષમાં 1.5 લાખ રૂપિયા સુધી જમા કરી શકે છે.

અહીં ઉલ્લેખનીય છે કે, રોકાણકારો પોતાની વાર્ષિક 1.5 લાખ રૂપિયા સુધીની જમા રકમ પર કલમ 80સી હેઠળ આવકવેરા લાભ માટે દાવો કરી શકે છે. આ ઉપરાંત મેચ્યોરિટી રકમ પર પણ ટેક્સની છૂટ મળી શકે છે.

(ડિસ્ક્લેમરઃ અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)