ન્યૂઝ18 ગુજરાતી, મોદી સરકાર વચગાળાનુંબજેટ 1 ફેબ્રુઆરી 2019ના દિવસે રજૂ કરશે. સંસદનું બજેટ સત્ર 31 જાન્યુઆરીથી શરૂ થશે. જે 13 ફેબ્રુઆરી સુધી ચાલશે. આ નિર્ણય સંસદીય મામલાની કેબિનેટ સમિતિએ લીધો છે. મોદી સરકાર માટે કાર્યકાળનું આ છેલ્લું બજેટ હશે. કોઇપણ સરકારના કાર્યકાળમાં છેલ્લું બજેટ રજૂ થાય છે. પૂર્ણ બજેટ આવનારી સરકાર રજૂ કરે છે. નાણામંત્રી અરુણ જેટલી અંતરિમ બજેટ રજૂ કરશે.
2019ની ચૂંટણી પહેલા અંતરિમ બજેટના ખેડૂતો, મીડલ ક્લાસ લોકો અને એક્સાઇઝ ડ્યુટી ઉપર અનેક જોગવાઇઓ આવી શકે છે. સરકારે જીએસટી અંતર્ગત અનેક વેપારીઓને રાહત આપી છે.
આ અંતરિમ બજેટમાં ખેડૂતો અને મધ્યમ વર્ગના લોકોને રાહત મળી શકે છે. રિપોર્ટ પ્રમાણે અંતરિમ બજેટમાં ટેક્સ છૂટ વધારવાની શક્યતા છે.
પગારદારીઓ માટે ટેક્સ સેવિંગ લિમિટ વધારવામાં આવી શકે છે. અંતરિમ બજેટને લઇને નાણામંત્રાલમાં તૈયારીઓ છેલ્લા તબક્કામાં છે.
