અમદાવાદમાં એક લિટર પેટ્રોલની કિંમતમાં આ દેશમાં 117 લિટર પેટ્રોલ ખરીદી શકાય!

ભારતમાં પેટ્રોલની કિંમતો ઓછી થવાનું નામ નથી લઈ રહી. જેના કારણે તમામ લોકોએ મુશ્કેલીનો સામનો કરવો પડી રહ્યો છે, કારણ કે પેટ્રોલ ડીઝલના ભાવ વધવાને કારણે ખાણીપીણીની વસ્તુઓ મોંઘી થઈ રહી છે. આજે અમે તમને ભારત કરતા જે દેશમાં સસ્તું પેટ્રોલ મળી રહ્યું છે તેની માહિતી આપીશું. આપણા પાડોશી દેશ પાકિસ્તાનની જ વાત કરવામાં આવે તો અહીં આપણા કરતા 24 રૂપિયા સસ્તું પેટ્રોલ મળે છે. તો જાણીએ દુનિયાના અન્ય દેશોમાં પેટ્રોલનું શું ભાવ છે.

તમને કદાચ વિશ્વાસ નહીં આવે પરંતુ વેનેઝુએલામાં એક લિટર પેટ્રોલની કિંમત ફક્ત 65 પૈસા છે. અમદાવાદમાં આજની તારીખે (22મી મે 2018) પેટ્રોલનો ભાવ રૂ. 76.05 છે. જો આ રીતે ગણતરી કરવામાં આવે તો અમદાવાદના એક લિટરની કિંમતમાં વેનેઝુએલામાં 117 લીટર પેટ્રોલ ખરીદી શકાય!

સુદાનમાં એક લીટર પેટ્રોલની કિંમત રૂ. 22.13 છે. આ દેશ પોતાની જરૂરિયાતથી વધારે ક્રૂડનું ઉત્પાદન કરે છે.

કુવૈતમાં એક લિટર પેટ્રોલની કિંમત રૂ. 22.78 છે. કુવૈત પણ પોતાની જરૂરિયાતથી વધારે ક્રૂડનું ઉત્પાદન કરે છે. આ જ કારણે તે ક્રૂડની નિકાસ કરે છે.

ઈરાનમાં એક લિટર પેટ્રોલની કિંમત 23.43 રૂપિયા છે. ઈરાન પણ ક્રૂડની નિકાસ કરે છે.

ઇજિપ્તમાં એક લિટર પેટ્રોલની કિંમત રૂ. 24.73 છે. આ દેશ પણ પોતાની જરૂરિયાતથી વધારે ક્રૂડનું ઉત્પાદન કરે છે.

ઈટાલીમા એક લિટર પેટ્રોલની કિંમત રૂ. 123.67 છે. આ દેશ મોટા ભાગનું ક્રૂડ આયાત કરે છે.

નોર્વેમાં એક લિટર પેટ્રોલની કિંમત રૂ. 131.49 છે. આ દેશ પણ પોતાની જરૂરિયાતનો મોટા ભાગનો હિસ્સો આયાત કરે છે.

મોનાકોમાં એક લિટર પેટ્રોલની કિંમત રૂ. 132.14 છે.

હોંગકોંગમાં એક લિટર પેટ્રોલની કિંમત રૂ. 134.09 છે. આ દેશ પણ પોતાની ક્રૂડની આાયાત કરે છે.

આઈસલેન્ડમાં એક લિટર પેટ્રોલની કિંમત રૂ. 135.68 છે.

પાકિસ્તાનમાં એક લિટર પેટ્રોલની કિંમત રૂ. 49.47 છે. જે ભારતની સરખામણીમાં ખૂબ ઓછી છે.