24 એપ્રિલ બાદ આજે ફરી વધ્યા પેટ્રોલ-ડીઝલના ભાવ, જાણો કેટલો થયો વધારો

જેવી રીતે અમે તમને પહેલાથી જ કહ્યું હતું કે કર્ણાટકની ચૂંટણી બાદ સામાન્ય માણસના ખિસ્સા પરનો બોજ વધશે. આજે પેટ્રોલના ભાવમાં વધારો થયો છે. આપને જણાવી દઇએ કે કર્ણાટકની ચૂંટણીઓને પગલે 24 એપ્રિલથી પેટ્રોલિયમ પ્રોડક્ટસની કિમતોમાં કોઇ વધારો થયો ન હતો. જ્યારે આંતરરાષ્ટ્રીય બજારોમાં ક્રૂડ તેલ સાડા ત્રણ વર્ષના ઉચ્ચતમ સ્તર પર છે. તે જ સમયે ભારતીય રૂપિયો 15 મહિનાના નીચલા સ્તરે છે. જાણો કેટલા રૂપિયા મોંઘુ પેટ્રોલ, ડીઝલ-

આજે પેટ્રોલની કિંમત 74.80 પૈસા છે, જ્યારે ડીઝલની કિંમત 66.14 પૈસા છે. તો 24 એપ્રિલ બાદ આજે પેટ્રોલના ભાવમાં 17 પૈસાનો વધારો થયો છે, જ્યારે ડીઝલનો ભાવ 21 પૈસા વધ્યો છે. કોલકાતા, મુંબઈ સહિત અન્ય શહેરોમાં પણ પેટ્રોલના ભાવ વધ્યા છે. 24 એપ્રિલ પછી તેલ કંપનીઓએ પહેલીવાર ભાવમાં ફેરફાર કર્યો છે.

ગુજરાતની ચૂંટણીઓ દરમિયાન પણ આવુ જ બન્યું હતું: ડિસેમ્બર 2017ના પ્રથમ 15 દિવસોમાં ગુજરાતમાં વિધાનસભાની ચૂંટણીઓ પહેલા, ઓઇલ કંપનીઓએ દરરોજ ઇંધણની કિમતોમાં 1-3 પૈસા પ્રતિલિટરની કટોતી કરી. ત્યારબાદ, 14 ડિસેમ્બરે, મતદાન પૂર્ણ થતા જ કંપનીઓએ ભાવમાં વધારો કરવાનું શરૂ કર્યું હતુ.

ઉલ્લેખનીય સરકારે પેટ્રોલ અને ડીઝલના ભાવ પર અંકુશ મુક્ત કરતા તેમણે બજારમાં હવાલો સોંપી દીધો છે. હવે આંતરરાષ્ટ્રીય ભાવ અનુસાર બળતણના ભાવમાં ઘટાડો અને વધારો થઇ રહ્યો છે.