Pan-Aadhaar Linking: એક SMSથી જાણો તમારું પાન આધાર લિંક છે કે નહીં

જો તમે હજુ સુધી તમારા પાન કાર્ડ અને આધાર નંબરને લિંક (Pan-Aadhaar linking) નથી કરાવ્યા તો તરત જ કરાવી લો. આધાર નંબરને PAN સાથે લિંક કરવાની છેલ્લી તારીખ 31 માર્ચ, 2023 છે. જો તમે તેને 31 માર્ચ સુધીમાં લિંક કરશો તો તમે ઘણી સમસ્યાઓથી બચી જશો. નહિંતર, જો તમે તેને લિંક નહીં કરો તો તમારું PAN નિષ્ક્રિય થઈ જશે.

આવકવેરા વિભાગે (Income Tax Department) PAN ને આધાર સાથે લિંક કરવાનું ફરજિયાત બનાવ્યું છે. આજના સમયમાં બેંકથી લઈને સરકારી સબસિડી મેળવવા સુધી દરેક જગ્યાએ પાન કાર્ડની જરૂર પડે છે.

પાન કાર્ડને આધાર સાથે લિંક કરવું ફરજિયાત: સરકાર અને આવકવેરા વિભાગની અડવાઇઝરી મુજબ, પાનને આધાર સાથે લિંક કરવું ફરજિયાત છે. જે લોકો આવકવેરા કાયદા હેઠળ પાન આધાર લિંક કરવામાંથી રાહત આપવાની શ્રેણીમાં આવતા નથી, તેમણે આ બંને લિંક કરવું પડશે.

31 માર્ચ, 2023 પહેલા તમારો પરમેનન્ટ એકાઉન્ટ નંબર આધાર સાથે લિંક કરો. અન્યથા અનલિંક રહેલા PAN 1લી એપ્રિલ 2023 થી કામ કરશે નહીં. તમે બેંકમાં વધુ રકમ જમા કરાવવા, ઉપાડવા, LIC પોલિસી ખરીદવા વગેરે જેવા કોઈપણ કામ કરી શકશો નહીં. આ બધા કામો માટે તમારે PAN કાર્ડની જરૂર છે.

SMS દ્વારા જાણો કે તમારું આધાર PAN સાથે લિંક થયેલું છે કે નહીં: સ્ટેપ 1: એક SMS ટાઈપ કરો - UIDPAN લખો અને પછી સ્પેસ આપો. સ્ટેપ 2: સ્પેસ બાદ 12 આંકડાનો આધાર નંબર લખો. સ્ટેપ 3: ત્યાર બાદ સ્પેસ આપીને 10 અંકનો PAN નંબર દાખલ કરો.

SMS કંઈક આ રીતે દેખાશે- UIDPAN <12 અંકનો આધાર નંબર> <10 અંકનો પાન એકાઉન્ટ નંબર> સ્ટેપ 4: પછી તેને 567678 અથવા 56161 પર મોકલો. સ્ટેપ 5: થોડો સમય રાહ જુઓ. જો તમારું આધાર PAN સાથે લિંક છે, તો તમને એક મેસેજ મળશે કે તમારું PAN આધાર સાથે લિંક છે. સેવાના પ્રતિસાદની રાહ જુઓ.

આધારને SMS દ્વારા PAN સાથે લિંક કરી શકાય છે- (1) પ્રથમ તમારા મોબાઇલ પરથી UIDPAN (સ્પેસ) 12 અંકનો આધાર નંબર (સ્પેસ) PAN નંબર લખો. (2) તમારા નોંધાયેલા મોબાઇલ નંબર પરથી 567678 અથવા 56161 પર SMS મોકલો. (3) તમને PAN સાથે આધાર લિંક કરવા માટે એક કન્ફર્મેશન સંદેશ મળશે.