હવે Post Officeની આ સુવિધા પણ મળશે Online

પોસ્ટ ઓફિસ ટુંક સમયમાં ડિઝિટલ બેંકિંગ સર્વિસ આપવા લાગશે. આ સુવિધાથી પોસ્ટના 34 કરોડ બચત ખાતા ગ્રાહકોને ફાયદો થશે. તમને જણાવી દઈએ કે, સરકાર તરફથી ઈન્ડીયા પોસ્ટ પેમેન્ટ બેંક (IPPB) સાથે એકાઉન્ટને લિંક કરવાની મંજૂરી આપ્યા બાદથી બચત ખાતા ગ્રાહકોને ડિઝિટલ બેંકિંગ મળવાનો રસ્તો સાફ થઈ ગયો છે. આગળની સ્લાઈડમાં જોઈએ આ સુવિધાથી કોને કેટલો ફાયદો થશે.

આ સુવિધા બાદ પોસ્ટ ઓફિસનો ખાતા ગ્રાહક પોતાના એકાઉન્ટથી કોઈ પણ બેંક ખાતામાં પૈસા ટ્રાન્સફર કરી શકશે. પોસ્ટ ઓફિસમાં 17 કરોડ પોસ્ટ ઓફિસ સેવિંગ્સ બેંક એકાઉન્ટ છે. બાકી બચત ખાતામાં મંથલી ઈન્કમ સ્કીમ, રિકરિંગ ડિપોઝિટ વગેરે સામેલ છે.

દેશમાં બનશે સૌથી મોટું બેંકિંગ નેટવર્ક - સરકારના આ પગલા બાદ દેશમાં સૌથી મોટુ બેંકિંગ નેટવર્ક બનીને તૈયાર થઈ જશે. ઈન્ડીયા પોસ્ટની યોજના હેઠળ તમામ 1.55 લાખ પોસ્ટ ઓફિસ શાખાઓને આઈપીપીબીથી લિંક કરવાનું છે. ઈન્ડિયા પોસ્ટ કોર બેંકિંગ સર્વિસ ચાલુ કરી ચુકી છે, પરંતુ આની હેઠળ માત્ર મની ટ્રાંસફરની સુવિધા પોસ્ટ ઓફિસ સેવિંગ્સ બેંક એકાઉન્ટ વચ્ચે જ મળી રહી છે.

NEFT, RTGsની મળશે સુવિધા - આઈપીપીબીને રિઝર્વ બેંક નિયંત્રિત કરે છે અને પોસ્ટ ઓફિસની બેંકિંગ સેવાઓ નાણાં મંત્રાલય હેઠળ આવે છે. આઈપીપીબી કસ્ટમર એફઈએફટી, આરટીજીએસ અને મની ટ્રાંન્સફરની બીજી સર્વિસનો ઉપયોગ કરી શકે છે, જે બેંકના કસ્ટમરને મળે છે.

કસ્ટમર ઈચ્છે તો જ મળશે સર્વિસ - પોસ્ટ ઓફિસના બચત ખાતા ગ્રાહકોને ડિઝિટલ બેંકિંગ સર્વિસ તેમની મરજી અનુસાર જ મળશે. એટલે કે સર્વિસ પૂરી રીતે વૈકલ્પિક હશે. જો ગ્રાહક આ સર્વિસ લેવા માંગતો હોય તો તેનું એકાઉન્ટ આઈપીપીબી એકાઉન્ટ સાથે લિંક કરી આપવામાં આવશે.