જાણો કેવી વૈભવી લાઈફસ્ટાઈલ જીવે છે 11,360 કરોડના PNB કૌભાંડના સૂત્રધાર

વૈભવી લાઈફસ્ટાઈલ જીવનારા નીરવ મોદી પંજાબ નેશનલ બેંકમાં થયેલ 11.3 હજાર કરોડ રૂપિયાથી પણ વધારેનું કૌભાંડના સૂત્રધાર જણાવવામાં આવી રહ્યાં છે. ભારતીય બેંકિંગ સિસ્ટમને હલાવી નાંખનાર આ કૌભાંડના આરોપી 48 વર્ષના નીરવ મોદીની જિંદગી ડાયમંડ જેવી જ ચમકીલી છે. તે ડાયમંડ કેપિટલ કહેવાતા બેલ્જિયમના એન્ટવર્પ શહેરના મશહુર ડાયમંડ બ્રોકર પરિવાર સાથે સંબંધ ધરાવે છે. નીરવ મોદી જાતે જ એક ગ્વોબલ બ્રાંડ છે અને તમામ ભારતીય ધનિકોની નજીકનાઓમાં માનવામાં આવે છે.

મોદીના ડિઝાઈન કરાયેલ આભૂષણો દુનિયાની હસ્તીઓ પહેરે છે. તેમના દ્વારા ડિઝાઈન કરાયેલ નેકલેસની 2010માં નિલામી થઈ હતી જે 16.29 કરોડમાં વેચાયો હતો. એ જ રીતે 2014માં એક નેકલેસ 50 કરોડ રૂપિયામાં નીલામ થયો હતો.

આ જ કારણ છે કે જ્યારે પીએનબીના 1.8 અરબ ડોલર આ કૌભાંડનો પર્દાફાશ થયો અને લોકોને જાણકારી મળી તો મહત્તમ ધનિકોએ આ વિશે બોલવાની ના કહી દીધી અને જે કોઈ બોલ્યું તે પોતાનું નામ જાહેર ન થાય તેવી શરતે કહ્યું.

અમેરિકાની પ્રખ્યાત વાર્ટન સ્કૂલના ડ્રોપ આઉટ મોદીના નામથી તેમની બ્રાન્ડ લોકપ્રિય બની ગઈ હતી કે તેના કારણે તે ફોર્બસના ભારતીય ધનકુબેરોની 2017ની યાદીમાં 84માં નંબર પર પહોંચ્યા હતાં. તે 1.73 અરબ ડોલર એટલે લગભગ 110 અરબ રૂપિયાના માલિક છે અને તેમની કંપનીનું રાજસ્વ 2.3 અરબ ડોલર એટલે લગભગ 149 અરબ રૂપિયા છે.

પહેલી ઈયરીંગ ડિઝાઈન કર્યા પછી તેમાં લગાવવાના હીરા જડવા માટે તે ઘણાં દેશોમાં ભટક્યા. તેમને આખરે આ હીરા મોસ્કોમાંથી મળ્યા હતાં. અહીંયાથી જ તેમની સફર શરૂ થઈ હતી. તેમની આ એકમત્ર બ્રાન્ડ આંતરરાષ્ટ્રીય સ્તરે લોકપ્રિય છે.