રોયલ એન્ફિલ્ડને સીધી ટક્કર આપવા આવી રહ્યું છે Jawa 300 CC, તસવીરો થઈ લીક

નવી દિલ્હીઃ એક સમયની દાદુ ગણાતી Jawa બાઇક ફરી માર્કેટમાં આવી રહી છે. આવતા મહિને 15મી નવેમ્બરના રોજ તેને વિધિવત લોન્ચ કરવામાં આવશે. આ પહેલા Jawa 300 CCની અમુક તસવીરો લીક થઈ છે. આ બાઇક માર્કેટમાં આવતાની સાથે તેની સીધી ટક્કર રોયલ એન્ફિલ્ડ સાથે થશે.

લીક થયેલી તસવીરો Jawa બાઇક પ્રેમીઓના ચહેરા પર ચોક્કસ મોટી સ્માઇલ આપી દેશે. કારણ કે તસવીરોમાં જોઈ શકાય છે કે બાઇકની ડિઝાઇન અને તેના લૂકમાં વધારે ફેરફાર નથી કરવામાં આવ્યો. કંપનીએ જૂની ડિઝાઇનને જાળવી રાખીને એન્જિન સહિતમાં જરૂરી ફેરફાર કરાયા છે. કર્યા છે.

Jawa બાઇક તેના ડબલ સાયલેન્સરને કારણે ખૂબ પ્રસિદ્ધ હતી. નવી ડિઝાઇનમાં પણ કંપનીએ ડબલ સાયલેન્સર રાખ્યા છે. આ ઉપરાંત ટાંકી, એન્જીન તેમજ બંને બાજુની ડિઝાઇનમાં વધારે ફેરફાર નથી કરાયો. જોકે, નવી બાઇની વિગતવાર કોઈ ડિટેઇન્સ કંપની તરફથી આપવામાં આવી નથી.

લીક થયેલી તસવીરોમાં જોઈ શકાય છે કે નવી બાઇકમાં આગળના વ્હીલમાં ડ્રમ બ્રેકની જગ્યાએ ડિસ્ક બ્રેક હશે. ઉપરાંત નવી બાઇક સંપૂર્ણ સેફ્ટી ઇક્વિપમેન્ટ સાથેની હશે. (તસવીરઃ જૂની Jawa બાઇકની છે.)

થોડા અઠવાડિયા પહેલા ઉત્પાદકો તરફથી બાઇકના એન્જિનની વિગતો જાહેર કરવામાં આવી હતી. જેના જણાવ્યા પ્રમાણે નવી Jawa બાઇકનું એન્જીન 293 સીસીનું હશે. કંપનીએ એવો પણ દાવો કર્યો છે કે બાઇકર્સને જૂની Jawa જેવો જ અનુભવ થાય તે માટે તેના ફાયરિંગને પહેલા જેવું જ રાખવાનો પ્રયાસ કરાયો છે. બાઇકમાં સિંગલ સિલિન્ડર લિક્વિડ-કૂલ્ડ એન્જિન હશે. નવી Jawaમાં છ ગીયર હશે.

ઇન્ટરનેટ પર વહેતા થયેલા અહેવાલ પ્રમાણે નવી Jawa બાઇક ત્રણ વેરિએન્ટમાં ઉપલબ્ધ બનશે. નોંધનીય છે કે જાવાની બાઇક લોંચ થયા પહેલા રોયલ એન્ફિલ્ડ 650 ટ્વિન્સને ભારતમાં લોંચ કરશે. (તસવીરઃ રોયલ એન્ફિલ્ડ)