Investment: મ્યુચ્યુઅલ ફંડ ઉદ્યોગમાં આ 10 નવી સંસ્થાઓ મચાવી શકે છે ખળભળાટ

મુંબઈ: અત્યારે મ્યુચ્યુઅલ ફંડ ઇન્ડસ્ટ્રી (mutual fund industry)નું કદ રૂ. 37 લાખ કરોડ જેટલું તોતિંગ ઊંચું છે. અત્યારસુધીમાં આ સેક્ટર પર બેંક તરફી ફંડ હાઉસો (Fund house)એ રાજ કર્યું છે. જોકે, હવે સમય બદલાયો છે. નવી સંસ્થાઓ અને કંપનીઓ મ્યુચ્યુઅલ ફંડ સેક્ટરમાં પ્રવેશ કરી રહી છે. સાત જેટલી કંપનીઓએ MFના લાઇસન્સ માટે SEBIને અરજી કરી હોવાનું જાણવા મળે છે. જેમાંથી બેને સૈદ્ધાંતિક મંજૂરી મળી ગઈ છે અને ચાર કંપનીઓએ MF બિઝનેસ શરૂ પણ કરી દીધો છે. મ્યુચ્યુઅલ ફંડમાં PMS પ્રોવાઇડર્સ, ડિસ્કાઉન્ટ બ્રોકરો, ટેક્નોલોજી આધારીત નાણાકીય કંપનીઓ જેવી સંસ્થાઓ તેમના ગેમ પ્લાન સાથે MF ઉદ્યોગમાં પ્રવેશવા માંગે છે.

વ્હાઇટ ઓક કેપિટલ મેનેજમેન્ટ: કેનેથ એન્ડ્રેડેના PMS વ્હાઇટ ઓક કેપિટલ મેનેજમેન્ટે મ્યુચ્યુઅલ ફંડ લાઇસન્સ માટે હાલમાં જ અરજી કરી હતી. IDFC MFમાં સ્ટાર ફંડ મેનેજર તરીકે આઠ વર્ષ વિતાવ્યા બાદ એન્ડ્રેડે જૂન 2015માં પોતાની પોર્ટફોલિયો મેનેજમેન્ટ સર્વિસ શરૂ કરી હતી. આ માટે તેણે ઉદ્યોગ છોડી દીધો હતો. એન્ડ્રેડે એગ્રેસીવ, પરંતુ વિવેકપૂર્ણ સ્ટોક-પીકર તરીકે જાણીતા છે.

આલકેમી કેપિટલ મેનેજમેન્ટ: આલકેમી કેપિટલ મેનેજમેન્ટમાં રાકેશ ઝુનઝુનવાલા સહ-સંસ્થાપક છે. આ સંસ્થાએ પણ MF લાઇસન્સ માટે SEBIને અરજી કરી છે

ઝીરોધા: સક્રિય યુઝર્સની દ્રષ્ટિએ દેશની સૌથી મોટી બ્રોકિંગ ફર્મ ઝીરોધાને MF બિઝનેસ શરૂ કરવા માટે સેબી તરફથી સૈદ્ધાંતિક મંજૂરી મળી ગઈ છે. ઝીરોધામાં નીતિન કામથ સંચાલન કરે છે. હવે ઝીરોધા ઓછી કિંમતના પેસિવ રીતે મેનેજ થયેલા ફંડ પર ધ્યાન કેન્દ્રિત કરશે. એક્સચેન્જ ટ્રેડેડ ફંડ્સ (ETF) જેવા ઉત્પાદનોમાં કામથ વધુ કાર્યક્ષમતા લાવવા માંગે છે.

નાવી MF: સચિન બંસલની નાવી (Navi) MF પણ ઓછી કિંમતના પેસિવ રીતે મેનેજ થતા ફંડ પર ધ્યાન કેન્દ્રિત કરે છે. આ સંસ્થા ખાસ કરીને ઈન્ડેક્સ સ્કીમને લક્ષ્યમાં રાખશે તેવી શક્યતા છે. ફંડ હાઉસ ઇલેક્ટ્રિક વ્હીકલ ફંડ અને કુલ માર્કેટ ઇન્ડેક્સ ફંડ સેગમેન્ટ્સ માટે પહેલેથી જ અરજી કરી દીધી છે. ધી નાવી ટોટલ યુએસ સ્ટોક માર્કેટ FoF ભારતીય રોકાણકારોને વેનગાર્ડ ફંડમાં એક્સપોઝર આપશે.

એન્જલ બ્રોકિંગ: બ્રોકિંગ કંપનીઓ પાસે મોટા વિતરણ નેટવર્ક છે. જેનો ફાયદાકારક ઉપયોગ કરવા માટે બ્રોકિંગ કંપનીઓ એસેટ મેનેજમેન્ટ વ્યવસાયમાં પ્રવેશવામાં રસ દાખવી રહી છે. એન્જલ બ્રોકિંગે પણ MF લાઇસન્સ માટે અરજી કરી છે.

NJ વેલ્થ: દેશના સૌથી મોટા મ્યુચ્યુઅલ ફંડ ડિસ્ટ્રિબ્યુટર NJ વેલ્થે પણ એસેટ મેનેજમેન્ટ બિઝનેસમાં પ્રવેશ કર્યો છે. આ સંસ્થા નીરજ ચોક્સી અને જીગ્નેશ દેસાઈની આગેવાની હેઠળની છે. NJ MF પેસિવ રીતે મેનેજ થતા અને નિયમ આધારિત ફંડ શરૂ કરશે. આવા ફંડને સ્માર્ટ-બીટા અથવા ફેક્ટર આધારિત ફંડ કહેવામાં આવે છે

વ્હાઇટ ઓક કેપિટલ: વ્હાઇટ ઓક કેપિટલ પણ મ્યુચ્યુઅલ ફંડમાં પ્રવેશનાર વધુ એક PMS છે. આ ફંડનું સંચાલન પ્રશાંત ખેમકા કરે છે. સેબીએ YES MFનું સંપાદન પૂર્ણ કર્યા પછી પેઢીને MF બિઝનેસ શરૂ કરવાની મંજૂરી આપી છે. અત્યારે આ હાઉસ એક્ટિવલી મેનેજ થતા ફંડ પર ધ્યાન કેન્દ્રિત કરશે અને બાદમાં આંતરરાષ્ટ્રીય સ્કીમ શરૂ કરી શકે છે. ખેમકા માટે આ પગલું પણ ફાયદાકારક નીવડશે ખેમખા ગોલ્ડમેન સાક્સ ઇન્ડિયા MFના સહ-સીઈઓ હતા. આ સાહસનું નેતૃત્વ મોતીલાલ ઓસવાલ MFના ભૂતપૂર્વ સીઇઓ આશિષ સોમૈયા કરશે

બજાજ ફિનસર્વ: ફાઈનાન્સિયલ સર્વિસીસ ક્ષેત્રે કદાવર કંપની બજાજ ફિનસર્વને સેબી તરફથી મ્યુચ્યુઅલ ફંડ બિઝનેસ સ્થાપવા માટે સૈદ્ધાંતિક મંજૂરી મળી છે. બજાજ ફિનસર્વનું ડિસ્ટ્રીબ્યુશન ખૂબ વ્યાપક છે. કંપનીની આ પહોંચને જોતા MF બિઝનેસમાં તે ધીમે ધીમે નક્કર પગલાં લઈ શકે છે. બજાજ ફિનસર્વની ભગિની સંસ્થા બજાજ ફાઇનાન્સની ગ્રામીણ વિસ્તારો, નાના શહેરો અને ગામોના 1,357 સહિત 2,392 સ્થળોએ હાજરી છે. આ વિશાળ બ્રાન્ચ નેટવર્ક તેને બી-30 લોકેશનમાં પ્રવેશવા મદદ કરશે.

હેલિઓસ કેપિટલ: એલાયન્સ કેપિટલ મ્યુચ્યુઅલ ફંડને છોડ્યાના લગભગ 18 વર્ષ બાદ સમીર અરોરાની નજર મ્યુચ્યુઅલ ફંડ બિઝનેસમાં પુનરાગમન કરવા પર છે અને તેમણે પોતાની PMS ફર્મ હેલિઓસ કેપિટલ મારફતે MF લાઇસન્સ માટે અરજી કરી છે.

સામ્કો સિક્યોરિટીઝ: ડિસ્કાઉન્ટ બ્રોકર સામ્કો સિક્યોરિટીઝને પણ તેના મ્યુચ્યુઅલ ફંડ માટે સેબી પાસેથી મંજૂરી મળી છે. ફંડ હાઉસે ફ્લેક્સિયાપ ફંડ માટે પહેલેથી જ અરજી કરી છે. સામ્કો એમએફના સ્થાપક જિમીત મોદીનું કહેવું છે કે, ફંડ હાઉસનો ઉદ્દેશ રોકાણકારોને ખરા એક્ટિવલી ફંડ વ્યવસ્થાપનનો અનુભવ કરાવવાનો છે.