PPFમાં રોકાણ કરો છો? જો આ ફંડા સમજી ગયા તો મેળવી શકશો જબરદસ્ત રિટર્ન

ઘણા લોકો ટેક્સ બચાવવા માટે આવકવેરા કાયદાની કલમ 80c હેઠળ કર બચત વિકલ્પોમાં રોકાણ કરે છે. પબ્લિક પ્રોવિડન્ટ ફંડ અથવા પીપીએફમાં દર વર્ષે રૂ.1.5 લાખનું રોકાણ કરીને, તમે કલમ 80c હેઠળ ટેક્સ બચાવવામાં મદદ મેળવી શકો છો. જો તમે PPF અથવા પબ્લિક પ્રોવિડન્ટ ફંડમાં પણ રોકાણ કરો છો, તો તમને એ ખ્યાલ હોવો જોઈએ કે તેમાં રોકાણ સંપૂર્ણપણે કરમુક્ત છે. પીપીએફમાં રોકાણ કરવા પર, તમારી મૂડી 15 વર્ષ માટે લોક થઈ જાય છે. PPFનો લોક-ઇન સમયગાળો 15 વર્ષનો છે અને હાલમાં તેમાં 7.1 ટકા વ્યાજ મળી રહ્યું છે.

ઘણા લોકો ટેક્સ બચાવવા માટે નિશ્ચિત આવકના વિકલ્પોનો ઉપયોગ કરે છે અને તે મુજબ નાની બચત યોજનાઓના સંદર્ભમાં પીપીએફ એક સારો વિકલ્પ છે. જો તમે પણ PPF માં રોકાણ કરો છો, તો તમારે તમારી રોકાણની રકમ પર વધુ સારી કમાણી કરવા માટે દર મહિનાની 5મી તારીખનો ફંડા યાદ રાખવો જરૂરી છે.

જો તમે કોઈ કંપનીમાં કામ કરો છો અને તમારો પગાર મહિનાની છેલ્લી તારીખે આવે છે, તો તમારે તમારા PPF ખાતામાં 5મી તારીખ પહેલા રોકાણ કરવાનું રહેશે. તેનું કારણ એ છે કે, જો તમે PPF ખાતામાં દર મહિનાની 5મી તારીખ પહેલા રોકાણ કરો છો, તો તમને તે મહિનાનું વ્યાજ પણ મળે છે. જો તમે PPFમાં 5 તારીખને બદલે 7-8 તારીખે રોકાણ કરો છો, તો તમને તે મહિનાનું વ્યાજ મળતું નથી.

ઉદાહરણ: જો તમે PPF ખાતામાં દર વર્ષે 1.5 લાખ રૂપિયાનું રોકાણ કરો છો અને તમે આ રોકાણ 20મી તારીખ પછી કરો છો, તો તમને 1 વર્ષમાં માત્ર 11 મહિના માટે જ વ્યાજ મળશે. PPFમાં રોકાણ કરવા માટે મહિનાની 5મી તારીખ પહેલાંની તારીખને અનુસરીને, તમે તે મહિના માટે પણ વ્યાજ મેળવી શકશો. PPFમાં 1.5 લાખ રૂપિયાનું રોકાણ કરવા પર તમે વર્તમાન વ્યાજ દરે 12 મહિનામાં 10650 રૂપિયા કમાઈ શકો છો. જો તમે 5મી તારીખ પછી આ રોકાણ કરો છો, તો તમને માત્ર 11 મહિના માટે જ વ્યાજ મળશે અને તેમાંથી તમારી કમાણી રૂ. 9760 થશે.

જો તમે દર નાણાકીય વર્ષના અંતે PPF ખાતામાં રોકાણ કરો છો અને આવકવેરા કાયદાની કલમ 80c હેઠળ મુક્તિનો દાવો કરો છો, તો તમને 1 મહિના માટે માત્ર રૂ.887 વ્યાજ મળશે. ભલે તમને આ રકમ નાની લાગતી હોય, પરંતુ જ્યારે તમે તેની મોટી અસર વિશે જાણશો તો તમને આશ્ચર્ય થશે. પીપીએફમાં રોકાણ કરવા પર તમને ચક્રવૃદ્ધિનો લાભ મળે છે.

જો તમે PPF ખાતામાં 30 વર્ષ માટે વાર્ષિક રૂ.1.5 લાખનું રોકાણ કરો છો, તો મેચ્યોરિટી પર તમને કુલ રકમ રૂ.1.54 કરોડ મળશે. રસપ્રદ હકીકત એ છે કે તમે PPF ખાતામાં માત્ર રૂ.45 લાખનું રોકાણ કરો છો અને તમને રૂ.1.09 કરોડનું વ્યાજ મળે છે.