FD કે લોટરી... આ બેંકે FD વ્યાજ દરમાં કર્યો 9 નો આંકડો પાર, જાણો કઈ બેંકે વધાર્યા વ્યાજ દરો

એફડીમાં પૈસા મૂકનારા આ સમયે ખુશ થઈ ગયા છે. સરકારી હોય કે ખાનગી, તમામ બેંકો ફિક્સ્ડ ડિપોઝિટ પર વ્યાજ દર વધારી રહી છે. હવે બીજી સરકારી બેંકે FD પરના દરમાં વધારો કર્યો છે.

બેંક ઓફ ઈન્ડિયાએ એક વર્ષની મુદતવાળી FD પરના વ્યાજ દરમાં વધારો કર્યો છે. બેંકે આ FD પર વ્યાજ દર વધારીને 7 ટકા કર્યો છે. આ દરમાં વધારો રિટેલ ગ્રાહકો માટે 2 કરોડથી ઓછી ડિપોઝિટ પર કરવામાં આવ્યો છે.

તમે 7.65% સુધી વ્યાજ મેળવી શકો છો: 7 દિવસથી લઈને 10 વર્ષ સુધીની FD પર, બેંક સામાન્ય ગ્રાહકોને 3 થી 7 ટકાની વચ્ચે વ્યાજ દર ઓફર કરે છે. બેંક એક વર્ષની FD પર વરિષ્ઠ નાગરિકોને 7.50 ટકા અને અતિ વરિષ્ઠ નાગરિકોને 7.65 ટકાના દરે વ્યાજ ઓફર કરી રહી છે. વધેલા વ્યાજ દરો સ્થાનિક, NRO અને NRE થાપણો પર લાગુ થાય છે.

ફિનકેર બેંક શ્રેષ્ઠ FD દરો ઓફર કરી રહી છે: સ્મોલ ફાઇનાન્સ બેંકો પણ FD પર ખૂબ જ આકર્ષક વ્યાજ દરો ઓફર કરે છે. ફિનકેર સ્મોલ ફાઇનાન્સ બેંકે રૂ. 2 કરોડથી ઓછી થાપણો પરના વ્યાજ દરોમાં ફેરફાર કર્યો છે. નવા FD દરો 25 મેથી લાગુ થશે. હવે સામાન્ય નાગરિકો 1000 દિવસની FD પર 8.51% વ્યાજ મેળવી શકશે.

વરિષ્ઠ નાગરિકો માટે 9.11% વ્યાજ દર: 1000 દિવસની FD માટે, બેંક વરિષ્ઠ નાગરિકોને 9.11 ટકા સુધીનો વ્યાજ દર ઓફર કરી રહી છે. FD પર આ વ્યાજ દર મેળવવા માટે લઘુત્તમ જમા મર્યાદા રૂ. 5,000 છે. Fincare Small Finance Bank વરિષ્ઠ નાગરિકોને 7 દિવસથી 84 મહિના સુધીની FD પર 3.60 ટકાથી 9.11 ટકાના દરે વ્યાજ ઓફર કરી રહી છે.