હવે મળશે ‘મોદી ઈડલી’, તમિલનાડુના સેલમમાં ખાઈ શકશો 10 રૂપિયામાં 4 નંગ

ચેન્નઈઃ વડાપ્રધાન નરેન્દ્ર મોદી (PM Narendra Modi)ની લોકપ્રિયતાને ધ્યાને લઈ તમિલનાડુ (Tamil Nadu)ના સેલમ (Salem)માં ‘મોદી ઈડલી’ (Modi Idli)રજૂ કરવામાં આવી રહી છે. સેલમમાં પહેલા 22 દુકાનો પર આ ઉપલબ્ધ થશે. ત્યારબાદ તેનું વેચાણ કેવું રહે છે તે જોયા બાદ દુકાનો વધારવામાં આવશે. (ફાઇલ તસવીર)

વડાપ્રધાન નરેન્દ્ર મોદીના નામની મોદી ઈડલી વેચવાની તૈયારી તમિલનાડુના સેલમ શહેરમાં ખૂબ જ ઉત્સાહ સાથે ચાલી રહી છે. શહેરમાં દરેક સ્થળે તેના પોસ્ટર પણ લગાડવામાં આવ્યા છે. (તસવીર- Twitter)

સેલમમાં ઉપલબ્ધ થનારી મોદી ઈડલીનો ભાવ 10 રૂપિયા રાખવામાં આવ્યો છે. 10 રૂપિયામાં લોકોને 4 નંગ ઈડલી આપવામાં આવશે. તેની સાથે સાંભર પણ મળશે. શહેરમાં પહેલા 22 દુકાનો પર આ ઉપલબ્ધ હશે. ત્યારબાદ તેના વેચાણના હિસાબથી દુકાનો વધારવામાં આવશે. (પ્રતીકાત્મક તસવીર)

તમિલનાડુના સેલમમાં મોદી ઈડલી વેચવાનો વિચાર રાજ્યના બીજેપી નેતા મહેશનો છે. તેઓએ શહેરમાં તેના પોસ્ટર પણ લગાવી દીધા છે. પોસ્ટરમાં લખ્યું છે, મહેશ પ્રસ્તુત કરે છે મોદી ઈડલી. 10 રૂપિયામાં 4 નંગ. સાંભરની સાથે. આ ઈડલીને અત્યાધુનિક કિચન ઉપકરણોથી બનાવવામાં આવશે. (તસવીર- Twitter)

PM મોદીના નામની મોદી ઈડલી વિશે જાણકારી આપવામાં આવી છે કે પહેલા તેને બનાવવા સંબંધી તૈયારી પૂરી કરવામાં આવી છે. રોજ લગભગ 40 હજાર ઈડલી બનાવવામાં આવશે. મોદી ઈડલીનું વેચાણ આવતા સપ્તાહથી શરૂ થઈ શકે છે. (ફાઇલ તસવીર)