Budget 2023: મહિલાઓ માટે સરકારની મોટી ભેટ, નવી યોજના અને 7.5 ટકા વ્યાજ

નાણામંત્રી નિર્મલા સીતારમણે મહિલાઓ માટે વન ટાઈમ ન્યૂ સ્મોલ સેવિંગ સ્કીમ લોન્ચ કરવાની જાહેરાત કરી છે. આ યોજના અંતર્ગત માર્ચ 2025 સુધી બે વર્ષની મર્યાદામાં રોકાણ કરી શકો છો.

સરકાર તરફથી 2 વર્ષ માટે મહિલા સમ્માન બચત યોજના લોન્ચ કરવામાં આવી છે. દરેક વ્યક્તિ ઈચ્છે છે કે તે સેવિંગ કરતાં રહે જેથી આગળ જતાં રુપિયાની કટોકટીનો સામનો ન કરવો પડે તેવામાં મહિલાઓ માટે આ યોજના ખૂબ જ કામની છે.

સરકાર તરફથી મહિલા સમ્માન સેવિંગ સ્કીમ પર 7.5 વ્યાજ આપવામાં આવશે. જે માર્ચ 2025 સુધી લાગુ પડશે.

આ યોજનામાં મહિલાઓના નામ પર 2 લાખ રુપિયા સુધીની રકમ જમા કરી શકાય છે. આ યોજના દ્વારા મહિલાઓ બે વર્ષમાં સારી એવી બચત કરી શકે છે.

આ વન ટાઈમ ન્યૂ સ્મોલ સેવિંગ સ્કીમ છે. જેમાં આશિંક ઉપાડનો વિકલ્પ પણ આપવામાં આવશે. જેમ અત્યારે કિસાન વિકાસ પત્ર છે તેવી રીતે મહિલા સમ્માન પત્ર યોજના શરુ કરવામાં આવી છે.