રોકાણકારો થઈ જાઓ તૈયાર, વધુ એક દિગ્ગજ કંપની લાવી રહી છે IPO, BOBની છે 65 ટકા ભાગીદારી

રોકાણકારો માટે એક મોટા સમાચાર સામે આવી રહ્યા છે. વધુ એક દિગ્ગજ કંપની પોતાનો આઇપી (New IPO)ઓ લાવવાની તૈયારી કરી રહી છે. આ કંપનીનું નામ છે ઇન્ડિયાફર્સ્ટ લાઇફ ઈન્શ્યોરન્સ. ઇન્ડિયા ફર્સ્ટ લાઇફ ઈન્શ્યોરન્સને આઇપીઓ (IndiaFirst Life Insurance IPO) દ્વારા ફંડ એકત્ર કરવા માટે માર્કેટ રેગ્યુલેટર સેબી (SEBI) તરફથી મંજૂરી પણ મળી ચૂકી છે.

આપને જણાવી દઇએ કે બેંક ઓફ બરોડા (BoB)ના સપોર્ટવાળી કંપની ઇન્ડિયા ફર્સ્ટ લાઇફ ઈન્શ્યોરન્સે પોતાનો આઇપીઓ લાવવા માટે ગત વર્ષે ઓક્ટોબરમાં સેબી પાસે ડ્રાફ્ટ રેડ હેયરિંગ પ્રોસ્પેક્ટ્સ (DRHP) જમા કરી દીધા હતા.

500 કરોડ સુધીના નવા શેર જાહેર કરશે કંપની - ડ્રાફ્ટ રેટ હેયરિંગ પ્રોસ્પેક્ટ્સ અનુસાર, ઇન્ડિયા ફર્સ્ટ લાઇફ ઈન્શ્યોરન્સના પબ્લિક ઇશ્યૂમાં 500 કરોડ રૂપિયા સુધીના શેરોનું ફ્રેશ ઇશ્યૂ અને પ્રમોટર, બીજા શેરહોલ્ડર્સ તરફથી 141,299,422 ઇક્વિટી શેરોનું ઓફર ફોર સેલ સામેલ છે.

બેંક ઓફ બરોડા પ્રમોટેડ ઇન્ડિયાફર્સ્ટ લાઇફ ઈન્શ્યોરન્સ એક પ્રાઇવેટ લાઇફ ઈન્શ્યોરન્સ કંપની છે. ન્યૂ બિઝનેસ- ઇન્શ્યોર્ડ રીટાયરમેન્ટ પ્લાનના કિસ્સામાં મુંબઇમાં આ કંપની સૌથી વધુ ઝડપ સાથે ગ્રોશ કરનારી પ્રાઇવેટ લાઇફ ઈન્શ્યોરન્સ કંપનીઓ પૈકી એક છે.

કેટલી છે બેંક ઓફ બરોડાની કંપનીમાં ભાગીદારી- બેંક ઓફ બરોડા પબ્લિક ઇશ્યૂમાં લગભગ 89015734 શેર વેચશે. તો કાર્મેલ પોઇન્ટ ઈન્વેસ્ટમેન્ટ્સ 39,227,273 શેર પબ્લિક ઈશ્યૂમાં વેચશે. જ્યારે યૂનિયન બેંક ઓફ ઇન્ડિયા 13,056,415 શેરોને ઓફલોડ કરશે. દેશના ત્રીજી સૌથી મોટી સરકારી બેંક બેંક ઓફ બરોડાની કંપનીમાં 65 ટકા ભાગીદારી રહેલી છે.

તો વારબર્ગ પિનકસની એફિલિએટ કાર્મેલ પોઇન્ટ ઇન્વેસ્ટમેન્ટ્સ ઇન્ડિયાની ઈન્ડિયા ફર્સ્ટ લાઇફ ઈન્શ્યોરન્સમાં 26 ટકા ભાગીદારી રહેલી છે. યૂનિયન બેંક ઓફ ઇન્ડિયાની કંપનીમાં 9 ટકા ભાગીદારી છે.

કંપની આ રીતે કરશે ફંડનો ઉપયોગ- આઇપીઓ દ્વારા મળનારી રકમમાંથી 500 કરોડ રૂપિયાનો ઉપયોગ સોલ્વેન્સી લેવલ્સને સપોર્ટ કરવા માટે પોતાના કેપિટલ બેઝને વધારવા માટે કરવામાં આવશે. કંપનીને 15 માર્ચે ઓબ્ઝર્વેશન લેટર મળ્યો છે, આઇપીઓ લાવ્યા પહેલાં કોઇ પણ કંપની માટે ઓબ્ઝર્વેશન લેટર મેળવવો ખૂબ જરૂરી છે.

કંપની ઓફર કરે છે 29 રીટેલ પ્રોડક્ટ્સ- નાણાંકીય વર્ષ 2022માં રીટાયરમેન્ટ પ્લાનના અનુસંધાને મુંબઇ બેઝ્ડ આ કંપની પ્રાઇવેટ લાઇફ ઈન્શ્યોરન્સ સેક્ટરમાં ઝડપથી આગળ વધી રહી છે. 30 જૂન, 2022 સુધીના આંકાડાઓ અનુસાર કંપની 29 રીટેલ પ્રોડક્ટ્સ ઓફર કરી રહી છે. તેમાં 16 નોન-પાર્ટિસિપેન્ટ પ્રોડક્ટ્સ, 9 પાર્ટિસિપેન્ટ્સ પ્રોડક્ટ્સ, 4 ULIPs સહિત 13 ગ્રુપ પ્રોડક્ટ્સ પણ સામેલ છે.

(ડિસ્ક્લેમરઃ અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)