1/ 5
તહેવારો શરૂ થતા પહેલા ઓટો કંપનીઓ સાથે-સાથે બેંકોએ પણ તેનો ફાયદો ઉઠાવવા માટે ઓફર આપવાની શરૂ કરી દીધી છે. આવી જ એક ઓફર ફેડરલ બેંક લઈને આવ્યું છે. જેમાં તમે ફક્ત એક રૂપિયાનું પેમેન્ટ કરીને બાઇક પોતાના ઘરે લઈ જઇ શકો છો. આ ઓફર અંતર્ગત તમે હીરો મોટો કોર્પ, હોન્ડા અને ટીવીએસની મનપસંદ બાઇક ખરીદી શકો છો. આ સુવિધા દેશભરનાં 947 શો રુમમાં ઉપલબ્ધ છે. આ સાથે તમને 5 ટકા કેશ બેક મળશે. સાથે કોઇ પ્રોસેસિંગ ફીસ પણ નહીં હોય. આવો જાણીએ આ ઓફર વિશે.
2/ 5
બેંક તરફથી જાહેર પ્રેસ રિલીઝમાં કહેવામાં આવ્યું છે કે ગ્રાહકોને બેંકની શાખામાં જવાની જરૂર રહેશે નહીં. ડેબિટ કાર્ડ પર ઇએમઆઈની સુવિધા મળશે. બેંકે કહ્યું છે કે આ મામલામાં કોઈ કાગળના કામ કરવાના રહેતા નથી. આ પુરી રીતે ઓનલાઇન હશે. તમે પોતાના ઘરેથી આ કામ કરી શકો છો.
3/ 5
ફેડરલ બેંકનું કહેવું છે કે ગ્રાહક 3, 6, 9 કે 12 મહિનામાં રીપેમેન્ટ ગાળો પસંદ કરી શકો છો. આ યોજના અંતર્ગત લોન પર કોઈપણ પ્રોસેસિંગ ચાર્જ લેવામાં આવશે નહીં. ગ્રાહક હોન્ડા મોટર સાઇકલના દેશભરમાં 793 શોરૂમ પર 5 ટકા કેશ બેક લઈ શકે છે.
4/ 5
ગ્રાહકોએ આ માટે 5676762 નંબર પર એસએમએસ કે પછી 7812900900 નંબર પર મિસ કોલ આપવો પડશે. આ દ્વારા ઇએમઆઈની પણ જાણકારી મેળવી શકાશે.
5/ 5
ફેડરલ બેંકે આખા દેશમાં 36,000 સ્ટોરમાં ડેબિટ કાર્ડ પર ઈએમઆઈ પેમેન્ટની સુવિધા આપે છે. બેંકે ઇ કોમર્સ પોર્ટલ એમેઝોન અને ફ્લિપકાર્ટ પર ખરીદદારી માટે હાલમાં ઇએમઆઈની સુવિધા શરૂ કરી છે. બીજી તરફ લોન આપનાર એનબીએફસી શ્રીરામ સિટીના એક અધિકારીનું કહેવું છે કે આ સમયે અચાનક બે પૈડાના વાહનોની માંગ વધી ગઈ છે.
