તક ચૂકાય ન જાય... SBI-HDFC સહિત 5 FD માટે અંતિમ મોકો, તેના પર મળી રહ્યું છે સૌથી વધુ વ્યાજ

હવે તમારી પાસે સરકારી અને ખાનગી બેંકો દ્વારા ચલાવવામાં આવતી સ્પેશિયલ FD સ્કીમ્સમાં પૈસા રોકાણ કરવા માટે માત્ર થોડા જ દિવસો બાકી છે. તેથી, જો તમે સારું વળતર મેળવવા માંગતા હોય તો આ ફિક્સ્ડ ડિપોઝિટમાં નાણાંનું રોકાણ કરવા માટે ઉતાવળ કરવી જોઈએ.

IDBI બેંકની નમન સિનિયર સિટિઝન ડિપોઝિટ સ્કીમ પણ 31 માર્ચે સમાપ્ત થઈ રહી છે. આમાં એક વર્ષથી દસ વર્ષ સુધી પૈસા જમા કરાવી શકાય છે. 1 થી વધુ અને બે વર્ષથી ઓછી એફડી પર 7.50 ટકા અને 3 થી 5 વર્ષની એફડી પર 7.25 ટકા વ્યાજ આપવામાં આવશે. આમાં ઓછામાં ઓછા 10,000 રૂપિયાનું રોકાણ કરવું પડશે.

ઈન્ડિયન બેંકે 'ઈન્ડ શક્તિ 555 ડેઝ' નામની સ્પેશિયલ રિટેલ FD લોન્ચ કરી છે, જેમાં 31 માર્ચ સુધી રોકાણ કરી શકાય છે. આમાં 555 દિવસ માટે 5000 રૂપિયાથી લઈને 2 કરોડથી ઓછા રૂપિયા સુધીનું રોકાણ કરી શકાય છે. જેમાં સામાન્ય ગ્રાહકને 7 ટકા અને વરિષ્ઠ નાગરિકને 7.50 ટકા વ્યાજ આપવામાં આવી રહ્યું છે.

સ્ટેટ બેંક ઓફ ઈન્ડિયાએ 15 ફેબ્રુઆરી 2023 ના રોજ 'અમૃત કલશ' નામથી 400 દિવસ માટે FD શરૂ કરી. જેમાં વરિષ્ઠ નાગરિકોને 7.60 ટકા અને સામાન્ય લોકોને 7.10 ટકા વ્યાજ આપવામાં આવી રહ્યું છે. તમે આ FDમાં 31 માર્ચ 2023 સુધી પૈસા રોકી શકો છો.

SBI WeCare FD એ ખાસ ફિક્સ્ડ ડિપોઝિટ પ્રોગ્રામ છે જે ફક્ત વરિષ્ઠ નાગરિકો માટે જ ઉપલબ્ધ છે. 31 માર્ચ 2023 ના રોજ, SBI તેને ઘણા એક્સટેન્શન પછી બંધ કરશે. આમાં ઓછામાં ઓછા પાંચ વર્ષ અને વધુમાં વધુ 10 વર્ષ માટે રોકાણ કરી શકાય છે. વરિષ્ઠ નાગરિકોને 7.25 ટકા વ્યાજ આપવામાં આવે છે.

વરિષ્ઠ નાગરિકો માટે શરૂ કરાયેલ HDFC બેંકની 'સિનિયર સિટીઝન કેર FD'માં પણ 31 માર્ચ 2023 સુધી રોકાણ કરી શકાય છે. સિનિયર સિટીઝન કેર FD પર 7.75 ટકા વ્યાજ મળી રહ્યું છે.