જાણો, કઈ જગ્યાએથી મળશે 50થી 90 ટકા સુધી સસ્તી દવાઓ

મોંઘી દવાઓના કારણે દેશમાં અનેક લોકો યોગ્ય રીતે સારવાર કરાવી શકતા નથી. તેથી આજે અમે તમને આવા મેડીકલ સ્ટોર વિશે જાણાવીએ. જ્યા 50થી 90 ટકા સુધી સસ્તી દવાઓ મળે છે. એન્ટી કેન્સરની દવા Gemcitabine માત્ર 631 રુપિયામાં મળે છે. જ્યારે બજારમાં તેની કિંમત 6412 રૂપિયા છે.

જો તમે પણ સસ્તી દવાઓ ખરીદવા માંગો છો, તો તમે તમારા નજીકના જન ઔષધી કેન્દ્ર પર જાઓ, લોકોને સસ્તી દવાઓ મળવાના હેતુથી કેન્દ્ર સરકારે 4 હજારથી વધુ જન ઐષધી કેન્દ્રો ખોલ્યા છે. તમે આ કેન્દ્રો પરથી સસ્તી દવાઓ લઈ શકો છો.

પ્રધાનમંત્રી જન ઔષધી પરિયોજના સ્વસ્થ ભારતની સંજીવની બની છે. જન ઔષોધી કેન્દ્રથી દવા લેવા પર ઉપભોક્તાને 50થી 90 ટકા સુધીની બચત થાય છે. અત્યાર સુધી દેશભરમાં 4401 જન ઔષધી કેન્દ્ર ખુલી ચુક્યા છે. ઉત્તર પ્રદેશમાં 732, તમિલનાડુમાં 416, કર્ણાટકમાં 400, ગુજરાતમાં 399, મહારાષ્ટ્રમાં 287 જન ઔષધી કેન્દ્ર ઉપલબ્ધ છે.

આ માટે તમે janaushadhi.gov.in ઉપર જઈ શકો છો અને તમારા શહેરની દુકાન શોધી શકો છો. આ ઉપરાંત કોઈપણ વર્કિંગ ડે પર તમે ટોલ ફ્રી નંબર 1800-180-8080 પર કૉલ કરી શકો છો અને જન ઔષધી કેન્દ્રની માહિતી મેળવી શકો છો.

આ સ્ટોર પર જેનરિક નામથી દવાઓ મળે છે. સામાન્ય રીતે ડૉક્ટર કોઈપણ દવાઓની જેનરિક નામની જગ્યા હવે તેના બ્રાન્ડનું નામ લખે છે. જોકે સરકારે હવે દવા પર જેનરિક નામ લખવાની સૂચના આપી છે. ફાર્મા કંપનીઓને પણ હવે દવાઓને જેનરિક નામથી મોટા અક્ષરોમાં પ્રિન્ટ કરવા માટે કહેવામાં આવે છે. તો પણ તમે ડૉક્ટર પાસેથી દવા લખાવો તો તેને જેનરિક નામ લખવાનું આગ્રહ રાખો. આનાથી તમને જન ઔષધી કેન્દ્ર પર સરળતાથી દવા મળી શકે છે.

જન ઔષધી કેન્દ્ર પર 800 થી વધુ ઉચ્ચ ગુણવત્તાની દવાઓ ઉપલબ્ધ છે. ઉપરાંત 154થી વધુ સર્જિકલ અને વપરાશકારી સામગ્રી પણ ઉપલબ્ધ છે.