હવે ITR ભરવું થયું વધુ સરળ, લોન્ચ થઈ e-filing Lite સુવિધા

ટેક્સપેયર્સની સુવિધા માટે ઇનકમ ટેક્સ ડિપાર્ટમેન્ટે (Income Tax Department) ઇનકમ ટેક્સ રિટર્ન ફાઇલિંગ માટે 'ઇ-ફાઈલિંગ લાઇટ' (e-filing Lite) સુવિધા લોન્ચ કરી છે. આ ઇ-ફાઇલિંગનું એક લાઇટ વર્જન છે. e-filing Lite ઇનકમ ટેક્સ રિટર્ન ફાઇલિંગને વધુ ઝડપી અને સરળ બનાવવા માટે લોન્ચ કરવામાં આવી છે.

ઇ-ફાઇલિંગ લાઇટ લોન્ચ : ઇનકમ ટેક્સ ડિપાર્ટમેન્ટે એક સાર્વજનિક વિજ્ઞપ્તિ જાહેર કરીને કહ્યું કે, ઇનકમ ટેક્સ વિભાગ ઇ-ફાઇલિંગ લાઇટ લોન્ચ કરી રહ્યું છે. તે ટેક્સપેયર્સ દ્વારા ઇનકમ ટેક્સ રિટર્ન (ITR) ફાઇલ કરવાની સુવિધાની સાથે ઇ-ફાઇલિંગ પાર્ટલનો એક લાઇટ વર્જન છે.

ઇનકમ ટેક્સ ડિપાર્ટમેન્ટે કહ્યું કે, આ સુવિધાનો લાભ ઇનકમ ટેક્સની વેબસાઇટ https://www.incometaxindiaefiling.gov.inના હોમ પેજ પર જઈને 'e-Filing Lite' બટન પર ક્લિક કરીને લઈ શકાય છે.

ટેબ વેબ પોર્ટ પર ઉપલબ્ધ : ઇનકમ ટેક્સ ડિપાર્ટમેન્ટના એક સિનિયર અધિકારીએ જણાવ્યું કે લાઇટ વર્જન માટે નવા ટેબ વેબ પોર્ટલ પર ઉપલબ્ધ કરાવવામાં આવ્યા છે અને જ્યારે રજિસ્ટર્ડ ટેક્સપેયર પેજ પર લોગ-ઇન કરશે, તો તેમને સીધી આ લિંક ઉપલબ્ધ કરાવવામાં આવશે.

જેનાથી તેઓ ITR અને 26AS ફોર્મની ઇ-ફાઇલિંગ કરી શકશે. અધિકારીએ જણાવ્યું કે લાઇટ વર્જન તમામ પ્રકારના કરદાતાઓ માટે ITR દાખલ કરવાની પ્રક્રિયાને સરળ અને ઝડપી બનાવવા માટે તૈયાર કરવામાં આવ્યું છે.

નોંધનીય છે કે, 23 જુલાઈએ સરકારે નાણાકિય વર્ષ 2018-19 માટે ઇનકમ ટેક્સ રિટર્ન દાખલ કરવાની છેલ્લી તારીખને એક મહિનો લંબાવીને 31 ઓગસ્ટ 2019 કરી દીધી હતી.