રેલવેની એક ટિકિટથી આપો પૂરા પૈસા, બીજી ટિકિટ પર મેળવો ફ્લેટ 50% ડિસ્કાઉન્ટ

ભારતીય રેલવેએ એક ખાસ ઓફર રજૂ કરી છે. તેના હેઠળ એક ટિકિટ બૂકિંગ પર બીજી ટિકિટ પર 50 ટકા ડિસ્કાઉન્ટ મળે છે. ઇન્ડિયન રેલ્વે કેટરિંગ એન્ડ ટુરિઝમ કોર્પોરેશન (આઈઆરસીટીસી) વિશ્વની લક્ઝરી ટ્રેનોમાં મહારાજા એક્સપ્રેસમાં ટિકિટ બૂકિંગમાં 50 ટકા ડિસ્કાઉન્ટ આપવાની છે. ટ્વિન શેરિંગમાં પ્રથમ ટિકિટ બાદ બીજી વ્યક્તિની ટિકિટ બૂક કરાવવા પર 50 ટકા ઓછુ ભાડું આપવું પડશે. ભારતીયો સાથે વિદેશી પ્રવાસીઓ પણ આ ઓફરનો લાભ લઈ શકે છે.

પહેલા આવો-પહેલા મેળવો ઓફર- પહેલી સાથે બીજી ટિકિટ બૂકિંગ કરાવવા પર આ ઓફરનો ફાયદો થશે, પરંતુ સાથે સાથે બીજી ટિકિટના પૈસા સંપૂર્ણ રીતે નોન રીફંડબેબલ હશે. આ ઓફર પહેલા આવો પહેલા મેળવો ફંડ્સ પર કામ કરશે.

આવી છે મહારાજા એક્સપ્રેસ- મહારાજા એક્સપ્રેસને વિશ્વની સૌથી મોંઘી લક્ઝરી ટ્રેન માનવામાં આવે છે. જેવું નામ તેવી જ આ ટ્રેન છે. એક તરફથી સંપૂર્ણ રાજમહાલ. ટ્રેનમાં મુસાફરી કરવા માટે સૌથી સસ્તી ટિકિટ 1,93,490 રૂપિયા અને સૌથી વધુ મોંઘી ટિકિટ રૂ. 15,75,830 છે. આ ટ્રેનમાં 23 ડબા છે અને 88 મુસાફરો મુસાફરી કરી શકે છે. આ ટ્રેન એક રીતે ચાલતો-ફરતો રાજમહેલ છે.

અંદરથી આ ટ્રેન જોઈને તમે કલ્પના રણ કરી શકો આ તે જ ભારતીય રેલવેની ટ્રેન છે, જેમાં તમે હંમેશા ભીડ અને ગંદગી જુઓ છો. તેની અંદર રાજશાહીનો એક નજારો જ અલગ છે. તેની અંદરની સજાવટ, સજ્જ કરેલું કારપેન્ટર જોઇને તમારી આંખો ખૂલી જશે.

આ ટ્રેન પાટાઓ પર ચાલતી ફરતી ફાઇવ સ્ટાર હોટેલ છે. આમાં જ્યાં મુસાફરો પોતાની પસંદગીઓનું ભારતીય અને કોંટિનેંટલ ભોજન લઇ શકે છે. અહીંથી તમને ભારતીયથી લઇને કોન્ટિનેંટલ જેવું અનેક પ્રકારું ભોજન મળે છે. ભોજન સોના અને ચાંદીના વાસણોમાં પીરસવામાં આવે છે.

ટ્રેનમાં જે વાસણમાં ભોજન પીરસવામાં આવે છે તે 24 કેરેટ સોનાના વાસણો છે. આ ઉપરાંત ચમચી અને કાંટા પણ સોનાથી મઢેલી છે. ભોજન સિવાય તમે આ ચાલતા-ફરતા રાજમહેલમાં દુનિયાની સૌથી મોંઘા બ્રાન્ડના દારૂ મળશે.

ઉપરાંત આ ટ્રેનમાં રીડિંગ રૂમ, રમવા માટે એક અલગથી ડબ્બો અને શતરંજથી લઈને કેરમ સુધી અનેક પ્રકારની ગેમ્સ છે. તેને સફારી બાર નામના ડબ્બાથી ઓળખવામાં આવે છે. ડ્રોઇંગ રૂમ અને અલગથી કેફેટેરિયો જ્યા તમે વાતચીત કરી શકો છો અને સમય પસાર કરી શકો છો.

મહારાજા એક્સપ્રેસ વિશ્વના સૌથી મોંઘી ટ્રેનોમાંથી એક છે. આ ભારતીય ટ્રેનની ચર્ચા સમગ્ર વિશ્વમાં છે. આ ટ્રેનની આંતરરાષ્ટ્રીય સ્તરે રોયલ સ્કોટમેંન અને ઇસ્ટર્ન એન્ડ ઓરિએન્ટલ એક્સપ્રેસ ટ્રેનોની સરખામણી કરવામાં આવે છે.