મ્યુચ્યુઅલ ફંડમાં રૂપિયા લગાવતી વખતે આ બાબતોનું રાખો ખાસ ધ્યાન, ક્યારેય નુકસાન નહિ થાય

નવી દિલ્હીઃ રોકાણ માટે મ્યુચ્યુઅલ ફંડમાં રૂપિયા લગાવવા એક સારો વિકલ્પ છે અને આવું કરીને તમે લાંબાગાળાના નાણાકીય લક્ષ્યોને સરળતાથી પૂરા કરી શકો છે. પરંતુ મ્યુચ્યુઅલ ફંડ્સમાં રોકાણ કરતા પહેલા કેટલીક જાણકારીઓ સાથે સાવધાની રાખવી પણ બહુ જ જરૂરી છે. બેસ્ટ મ્યુચ્યુઅલ ફંડ સ્કીમ પસંદ કરતા પહેલા કેટલીક મહત્વની બાબતોનું ધ્યાન રાખવું જરૂરી છે, જેના વિશે અહીં જાણકારી આપવામાં આવી છે. અહીં જણાવવામાં આવેલી ટિપ્સ સમજ્યા પછી તમે મ્યુચ્યુઅલ ફંડમાં રોકાણ માટે સારો વિકલ્પ પસંદ કરી શકો છો.

મ્યુચ્યુઅલ ફંડ કેલક્યુલેટર તમને તે જણાવે છે, કે તમારે રૂપિયા એક નિશ્ચિત તમારા રૂપિયા એક નિશ્ચિત ગાળામાં વધશે. જો કે, આજના સમયમાં મ્યુચ્યુઅલ ફંડમાં રોકાણ કરવાના ઘણા વિકલ્પ ઉપલબ્ધ છે. તેમાંથી તમે તમારા માટે બેસ્ટ મ્યુચ્યુઅલ ફંડ સ્કીમની પસંદગી કરવી પડકારજનક છે. સંપૂર્ણ જાણકારી પછી જ આમાં રોકાણ કરવું જોઈએ.

1. રોકાણકારોએ તેમના નાણાકીય લક્ષ્યો નક્કી કરી ને જ રોકાણની શરૂઆત કરવી જોઈએ. રોકાણ સ્કીમમાં જોખમ અને પોતાની જોખમ સહન કરવાની ક્ષમતા અને નાણાકીય લક્ષ્ય મેળવવા માટે તમારી પાસે કેટલો સમય છે, આ બધા જ તબક્કાઓ પર વિચાર કર્યા બાદ તમે તે મ્યુચ્યુઅલ ફંડની પસંદગી કરી શકો છો.

2. મ્યુચ્યુઅલ ફંડમાં રોકાણ કરનારા લોકોએ બજાર પણ પણ નજર રાખવી જોઈએ. જો શેરબજાર તેના પીકથી 20 ટકા ઘટે તો લાર્જ કેપથી મિડકેપમાં સ્વિચ કરવું જોઈએ. તેનું કારણ તે છે કે, મોટી કંપનીના શેર 20-30 ટકા તૂટશે, ત્યારે નાની અને મઘ્યમ કંપનીના શેર 50થી 60 ટકા ઘટી શકે છે.

3. પહેલી વારના મ્યુચ્યુઅલ ફંડ રોકાણકારો માટે ઈન્ડેક્સ ફંડ પણ યોગ્ય વિકલ્પ હોઈ શકે છે. આમાં જોખમ પણ ઓછું હોય છે અને તેમનું પ્રદર્શન ઈન્ડેક્સના પ્રદર્શન સાથે જોડાયેલું હોય છે.

4. રોકાણકરોએ તે જાણી લેવું જોઈએ કે શું સિલેક્ટેડ મ્યુચ્યુઅલ ફંડે સતત લાંબાગાળામાં પરફોર્મેન્સ કર્યું છે, કે તેણે ગત કેટલાક વર્ષોમાં શાનદાર પરફોર્મેન્સ પછી ખરાબ સમયનો પણ સામનો કર્યો છે. મ્યુચ્યુઅલ ફંડ યોજનામાં રોકાણ કરતા પહેલા રોકાણકારે સિલેક્ટેડ સ્કીમમાં પાછલા રેકોર્ડ ચેક કરી લેવા જોઈએ.