કરોડપતિ બનવું હોય તો ખેતરમાં લગાવો આ વૃક્ષ, એક એકરમાં તો પૂરા 1 કરોડની કમાણી થશે

નવી દિલ્હીઃ તમને પણ ખબર જ હશે કે, ધીરજનું ફળ સૌથી મીઠું હોય છે. અમે તમને એવા વૃક્ષ વિશે જાણકારી આપવા જઈ રહ્યા છીએ, જેને તૈયાર થવામાં 8-10 વર્ષોનો સમય લાગે છે, પણ એકવાર પૂરી રીતે તૈયાર થઈ ગયા બાદ, તમે આમાંથી કરોડો રૂપિયાની કમાણી કરી શકો છો. આજે અમે તમને એવા જ 5 વૃક્ષો વિશે જાણકારી આપવા જઈ રહ્યા છીએ, જે તમને મોટો નફો કરાવી શકે છે.

ચંદનનું વૃક્ષ- આ દુનિયાના સૌથી મોંઘા વૃક્ષોમાનું એક છે. તેના 1 કિલો લાકડાની કિંમત લગભગ 27,000 રૂપિયા છે. ચંદનાના 1 વૃક્ષથી 15-20 કિલો લાકડું મળે છે. એટલે કે જો તમે ધીરજ રાખો તો ચંદનનું 1 વૃક્ષ જ તમને લખપતિ બનાવી શકે છે.

સાગનું વૃક્ષ- આ વૃક્ષની લાકડી તેની મજબૂતી માટે પ્રસિદ્ધ છે. તેનો ઉપયોગ કન્સટ્રક્શનના કામમાં કરવામાં આવે છે. એટલા માટે તેને આ ઈમારતી લાકડાનો રાજા કહે છે. આ વૃક્ષ 12 વર્ષમાં 25-30 હજાર રૂપિયાનું થઈ જાય છે.

ફિર વૃક્ષ- આ વૃક્ષને વાવવામાં પણ બહુ જ ઓછો ખર્ચ થાય છે. જ્યારે આ વૃક્ષને મોટું થવા માટે વધારે પાણીની જરૂર પડે છે. પરંતુ કોઈ પણ ખાસ જાળવણી વિના આ વૃક્ષ તૈયાર થઈ જાય છે. આ વૃક્ષને તૈયાર થવામાં 8-10 વર્ષનો સમય લાગે છે. તેમાંથી ઔષઘિય તેલ કાઢવામાં આવે છે.

મહોગની વૃક્ષ- આ લાકડાને વોટર રેજિસ્ટેન્સ કહેવામાં આવે છે. તેનો અર્થ છે કે, મહોગનીની લાકડી પર પાણીનો કોઈ જ પ્રભાવ પડતો નથી. તેની આ ગુણવત્તાના કારણે જ તે બજારમાં બહુ જ મોંઘુ છે. કારણ કે તેમાંથી બનાવવામાં આવતા ફર્નિચરની કિંમત પણ બહુ જ વધારે હોય છે. મહોગનીના 1 લાકડાની કિંમત વર્તમાનમાં 2000થી 2500 રૂપિયા પ્રતિ કિલો છે.

પોટ વૃક્ષ- આ વૃક્ષને 1 એકર ખેતરમાં લગાવીને સરળતાથી 1 કરોડ રૂપિયાની કમાણી કરી શકાય છે. આ એક ઔષધિય વૃક્ષ હોવાની સાથે તેની લાકડીઓ પણ ઈમારતી હોય છે. આ વૃક્ષને ઓછા વરસાદવાળા વિસ્તારમાં ઉગાડવામાં આવે છે. આ વૃક્ષ તેમની આસપાસ જમીનમાં નાઈટ્રોજન અને ફોસ્ફરસની માત્રા વધારે છે, જેનાથી પાકની ઉપજ સારી થાય છે.