PAN-Aadhar Link : તમારા આધાર કાર્ડને પાન કાર્ડ સાથે ઝડપથી કરો લિંક, નહીં તો ભરવો પડશે દંડ

જો તમે હજુ સુધી તમારા આધાર કાર્ડને PAN કાર્ડ સાથે લિંક નથી કરાવ્યું તો આ કામ ઝડપથી કરો. વાસ્તવમાં, ઓછા દંડ સાથે આધાર કાર્ડને પાન કાર્ડ સાથે લિંક કરવાની છેલ્લી તારીખ 30 જૂન 2022 છે.

જો તમે 30 જૂન અથવા તેના પહેલા લિંક કરો છો, તો તમારે ફક્ત 500 રૂપિયાનો દંડ ભરવો પડશે. બીજી બાજુ, જો તમે તેને 1 જુલાઈ અથવા તેના પછી લિંક કરો છો, તો તમારે 1000 રૂપિયા ચૂકવવા પડશે. આવી સ્થિતિમાં, તમારી પાસે આ કામ માટે 3 દિવસ છે. 3 દિવસ પછી તમારે બમણો દંડ ભરવો પડશે. તમે ડબલ પેનલ્ટી સાથે 31 માર્ચ, 2023 સુધી PAN-આધારને લિંક કરી શકો છો.

સૌ પ્રથમ આવકવેરા વિભાગની નવી વેબસાઇટ https://www.incometax.gov.in/iec/portal પર જાઓ અને આધાર લિંક પર ક્લિક કરો. તમારી સ્થિતિ જોવા માટે અહીં ક્લિક કરો. અહીં તમારે આધાર અને PANની વિગતો દાખલ કરવાની રહેશે.

જો તમારું PAN કાર્ડ આધાર કાર્ડ સાથે લિંક છે તો તમારું PAN આધાર નંબર સાથે લિંક થયેલું દેખાશે. જો તમારું પાન કાર્ડ આધાર કાર્ડ સાથે લિંક નથી તો તમારે https://www.incometaxindiaefiling.gov.in/home પર ક્લિક કરવાનું રહેશે.

ત્યાર બાદ લિંક આધાર પર ક્લિક કરો. અને પછી વિગતો ભરો. આ રીતે તમારું પાન કાર્ડ આધાર કાર્ડ સાથે લિંક થઈ જશે.