ઓનલાઈન ખરીદી વખતે કેવી રીતે કરવી અસલી-નકલી સામાનની ઓળખ? ઓર્ડર આપતા પહેલા જાણી લો આ ખાસ બાબતો

ઓનલાઈન શોપિંગ પ્લેટફોર્મથી મંગાવવામાં આવતા પ્રોડક્ટસમાં ઘણી વાર નકલી સામાન આવવાની શક્યતાઓ હોય છે અને ગ્રાહક અસલી-નકલી વચ્ચેના અંતરને લઈને મુશ્કેલીમાં રહે છે. એવામાં જો તમે પણ ઓનલાઈન પ્રોડક્ટ મંગાવી છે અને તે નકલી નીકળશે તો તમે શું કરશો? જાણો કેવી રીતે અસલી અને નકલી સામાનની ઓળખ કરવી.

જો કોઈ ઈ કોમર્સ સાઈટ પર ઉપલબ્ધ સામાનના નામમાં તમને કોઈ પણ ભૂલ લાગી રહી હોય તો હોઈ શકે કે તે પ્રોડક્ટ નકલી હોય. ઘણીવાર બ્રાન્ડના નામ જેવા જ નામ રાખીને ગ્રાહકોને ભ્રમિત કરવાનો પ્રયાસ કરવામાં આવે છે. બ્રાંન્ડેડ પ્રોડક્ટ જે નામથી આવે છે, તેમના નામની એક વિશેષ ઓળખાણ હોય છે. હંમેશા આ વાતનું ધ્યાન રાખવું જોઈએ.

દરેક ઓનલાઈન સાઈટ પર ઉપલબ્ધ પ્રોડક્ટને લઈને ગ્રાહક રિવ્યૂ પણ હોય છે, તો ત્યાં તમે સરળતાથી ચેક કરી શકશો કે ખરીદવામાં આવેલી પ્રોડક્ટ વિશે ગ્રાહકના શું પ્રતિભાવ છે. જો તમને પ્રતિભાવ સાચા નથી લાગતા તો ખરીદી કરવી જોઈએ નહિ.

હંમેશા માર્કેટમાં હાજર નામી ઈ-કોમર્સ પ્લેટફોર્મ પરથી જ ઓનલાઈન શોપિંગ કરો. આ કંપનીઓનો યૂઝર બેઝ ઘણો મોટો હોય છે, એટલા માટે તેમના ગ્રાહકોને સારી સુવિધાઓ આપવા માટે દરેક સંભવિત પ્રયાસ કરે છે, જેથી ગ્રાહકોને કોઈ પણ પ્રકારની પરેશાની ન થાય.

જો તમે કોઈ નવી વેબસાઈટ પરથી ખરીદી કરી રહ્યા હોવ તો, થોડીં વધુ સાવચેતી રાખવાની જરૂર છે. કારણ કે અહીં નકલી સામાન મળવાની સંભાવના બહુ જ વધારે હોય છે. ઘણીવાર તો ડર લાગે છે કે, રૂપિયા આપ્યા પછી પ્રોડક્ટ ડિલીવર થશે કે નહિ. જેથી સારું છે કે કંપની સાથે જોડાયેલા રિવ્યૂ જોઈને જ ખરીદી કરો.

<br />સોથી મહત્વની અને જરૂરી વાત છે કે, જ્યારે પણ તમે કોઈ ઈ-કોમર્સ પ્લેટફોર્મ સાઈટ પરતી પ્રોડક્ટ મંગાવો છો, તો ડિલીવરી દરમિયાન સામાનને સંપૂર્ણ રીતે ચેક કરી લો. કારણ કે, ઘણીવાર જોવા મળ્યુ છે કે, પેકેજમાં પ્રોડક્ટ હોતી જ નથી. ઘણીવાર પેકેટમાંથી તો બટાકા અને પત્થર નીકળે છે. શિપમેન્ટ દરમિયાન આવી છેતરપિંડી થવાની સંભાવના છે.