ખેડૂતો ખુશખબરી...સરકારે આ નિયમ બદલ્યો, તમને ઘર બેઠા જ મળી જશે આ વસ્તુ, ધક્કા ખાવા નહિ પડે

આજે અમે ખેડૂતો માટે એક ખુશીના સમાચાર આપી રહ્યા છીએ. સરકારે કરેલી એક નવી વ્યવસ્થા મુજબ હવે ખેડૂતોને ઘરબેઠા જંતુનાશક દવાઓ મળી શકશે. સરકારે જંતુનાશક દવાઓના વહેચાણ અર્થે નિયમોમાં ફેરફાર કર્યા છે. તેમાં ઈ-કોમર્સ વેબસાઈટ પર જંતુનાશક દવાઓ વહેંચવાની મંજૂરી સરકારે આપી દીધી છે.

તેના માટે સરકારે ઇન્સેક્ટીસાઇડ નિયમોમાં બદલાવ કર્યો છે. જેને લીધે હવે ઓનલાઇન વેબસાઈટના મારફતે જંતુનાશક દવાઓનું વહેચાણ શક્ય બની શકશે. તેથી હવે તે ઘરેબેઠા જ મળી જશે.

હવે કંપનીઓ કાયદેસર રીતે જંતુનાશક દવાઓનું વહેચાણ કરી શકશે. ખાસ કરીને એમેઝોન અને ફ્લિપ કાર્ટ જેવી મોટી ઈ-કોમર્સ સાઈટ પર હવેથી તેનું વહેચાણ કરી શકાશે.

તેની સામે એ ધ્યાન રાખવું પડશે કે આ દવાઓ વહેંચનાર કંપનીઓ પાસે લાઇસન્સ હોવું જરૂરી છે. તેમજ કંપનીઓએ લાઇસન્સના નિયમોનું પાલન કરવું જરૂરી છે.

વહેચાણ કરનાર કંપનીના લાઇસન્સ અંગેની તાપસ જે તે ઈ-કોમર્સ વેબસાઈટ એ કરવાની રહેશે. હવેથી જંતુનાશક વહેચાણ કરનારાઓની સંખ્યામાં વધારો થશે અને સ્પર્ધા થવાને લીધે ખેડૂતોને સસ્તા ભાવે દવા મળશે.