ખુશખબર! 10 વર્ષમાં ત્રણ ગણી વધી જશે તમારા ઘરની કિંમત

પ્રોપર્ટીમાં રોકાણ કરવા ઇચ્છુક ભારતીયો માટે સારા સમાચાર છે. તેમના રોકાણની વેલ્યૂ આવનારા 10 વર્ષમાં ત્રણ ગણી થઇ જશે. આવી જ રીતે છેલ્લા કેટલાક વર્ષમાં સતત ગ્રોથ કરી રહેલા રિયલ એસ્ટેટના સારા દિવસો નજીક હોવાનું માનવામાં આવી રહ્યું છે. ભારતીય પ્રોપર્ટી બજારનો આ ગ્રોથ અમેરિકા, ચીન અને યુરોપીય દેશો સહિત કોઇ પણ મોટા દેશથી વધુ છે. આવી રીતે જો કોઇ આજે પ્રોપર્ટી માર્કેટમાં રોકાણ કરે છે તો તેમને આગલા 10 વર્ષમાં વધુ રિટર્ન મળશે. વેલ્થ ગ્રોથ સાથે જોડાયેલી એક ઇન્ટરનેશનલ રિપોર્ટમાં આ વાત સામે આવી છે.

ઇન્ટરનેશનલ બેંક અફ્રેશિયા બેંક અને ન્યૂ વર્લ્ડ વેલ્થના રિપોર્ચ પ્રમાણે ભારતીયોની સંપત્તિની કિંમત આવનારા 10 વર્ષમાં 200 ટકા વધવાની આશંકા છે, એટલે કે જો કોઇ પ્રોપર્ટીની કિંમત આજે એક લાખ છે તો 10 વર્ષ બાદ આ પોપર્ટી 3 લાખ રૂપિયા થઇ જશે.

ગ્રોથ મુદ્દે ચીન બીજા નંબર પર છે, અહીં આજ સમયગાળામાં સંપત્તિ ગ્રોથ 180 ટકા રહેશે. ત્રીજા સ્થાન પર ઓસ્ટ્રેલિયા છે, અહીં 70 ટકાના દરે સંપત્તિની કિંમતમાં વધારો થવાની આશંકા છે. લિસ્ટમાં ચોથા નંબર પર જાપાન અને કેનેડા છે, આ દેશોમાં 30 ટકા દરથી સંપત્તિની કિંમત વધશે.

લિસ્ટમાં પાંચમાં નંબરે અમેરિકા છે, અહીં સંપત્તિમાં 20 ટકા દરે કિંમત વધશે. જ્યારે બ્રિટન, જર્મની, ફ્રાંસ અને ઇટલીમાં 10 વર્ષમાં માત્ર 10 ટકા જ વધારાની શક્યતાઓ છે.

રિપોર્ટ પ્રમાણે 2007-2017 વચ્ચે ભારતમાં 160 ટકાના દરે દરેક સંપત્તિની કિંમતમાં વધારો થશે. આ દરમિયાન ચીનમાં આ આંકડો 198 ટકા અમેરિકામાં 20, જાપાનમાં 22, યુકેમાં -2, જર્મનીમાં 0, ફ્રાંસમાં -11, કેનેડામાં 25, ઓસ્ટ્રેલિયામાં 83 અને ઇટલીમાં -19 ટકા રહેવાની આશંકા વ્યક્ત કરાઇ છે.

દુનિયામાં આ સમયે 2252 અરબપતિ છે, ડિસેમ્બર 2017 સુધી દુનિયાભરમાં લોકોની ખાનગી સંપત્તિ 13975 લાખ કરોડ રૂપિયા હતી, દુનિયામાં 1.52 કરોડ લોકો એવા છે જેમની પોતાની સંપત્તિ લઘુતમ 6.5 કરોડ અથવા તેનાથી વધુ છે. દુનિયામાં હાલ 2252 અરબપતિમાંથી દરેક પાસે ઓછામાં ઓછા 6500 કરોડ રૂપિયાની સંપત્તિ છે.

રિપોર્ટ પ્રમાણે અમેરિકન્સ કુલ વેલ્થના મામલે 10 વર્ષ બાદ પણ પહેલા નંબર પર રહેશે. જો કે આ મામલે બ્રિટન અને જર્મનીને પછાડી ભારતીયો દુનિયાના ચોથા સૌથી અમીર બની જશે. આ સમયે 5.35 લાખ કરોડ સંપત્તિની સાથે ભારત છઠ્ઠા નંબર છે અને અંદાજે 40.68 કરોડ રૂપિયાની સંપત્તિ સાથે અમેરિકા ટોચ પર છે, જે 10 વર્ષ બાદ પણ ટોચ પર રહેશે, જો કે આ દરમિયાન તેમની સંપત્તિમાં માત્ર 20 ટકાનો જ વધારો થવાનું અનુમાન છે.