Gold Silver Price : રાષ્ટ્રીય- વાયદા બજારમાં ફરી સોનાનો ભાવ ઘટ્યો, જાણો 10 ગ્રામની કિંમત કેટલી ઘટી

નવી દિલ્હી : કોરોના વાયરસની વેક્સિનના સમાચારના કારણે બુધવારે વાયદા અને રાષ્ટ્રીય બજારમાં સોના ચાંદીનાં ભાવમાં (Gold silver Price Today)માં ઘટાડો જોવા મળ્યો છે. કોમોડિટી એક્સચેંજ (MCX)માં પણ સોનાના વાયદમાં 91 રૂપિયાના પ્રતિ તોલાએ કડાકો બોલ્યો છે. ખુલતી બજારે 0.18 ટકાના કડાકા સાથે બજારનો ભાવ રૂપિયા 50,410 રૂપિયા પહોંચી ગયો છે. સિલ્વર ફ્ચૂચરમાં પણ 287 રૂપિયાનો કડાકો બોલ્યો છે. 0.34 ટકાના કડાકા સાથએ ચાંદીનો ભાવ ઘટીને 62,832 રૂપિયાએ પહોંચી ગયો છે. દરમિયાન રાષ્ટ્રીય બજારમાં 10મી નવેમ્બરે સોના-ચાંદીમાં તેજી જોવા મળી હતી. પ્રતિકાત્મક તસવીર

ભારતીય બજારોમાં સોનાના ભાવમાં તીવ્ર ઘટાડો થઈ શકે છે. વર્તમાન સ્તરે કિંમતોમાં 5-8 ટકાનો ઘટાડો થવાની સંભાવના છે. કારણ કે, ભારતીય રૂપિયો પણ મજબૂત થઈ રહ્યો છે. કોરોનાવાયરસ રસી વિશેના સારા સમાચારને કારણે, આંતરરાષ્ટ્રીય સ્તરે સોનાના (Gold price Today) ભાવમાં ભારે ઘટાડો થયો છે. પ્રતિકાત્મક તસવીર

મની કંટ્રોલના સમાચાર મુજબ માર્કેટના એક્સપર્ટ સલાહ આપી રહ્યા છે કે તમારે દરેક ઘટાડા વખતે ગોલ્ડમાં રોકામ કરવું જોઈએ. હાલમાં ગોલ્ડમાં સપોર્ટ લેવલ 50 હજાર રૂપિયા પ્રતિ 10 ગ્રામ જોવા મળી રહ્યું છે. પ્રતિકાત્મક તસવીર

Prithvi Finmartના ડાયરેક્ટર મનોજ જૈનના જણાવ્યા મુજબ અમેરિકામાં રાહત પેકેજની આશા વધુ સુદ્ઢ બની છ, ડૉલર નબળો પડતા સોનાની કિંમતોને સપોર્ટ મળી રહ્યો છે. વિકસીત દેશોમાં મૉનટરી પૉલિસી સરળ બનવાના કારમે આગામી દિવસોમાં કિંમતોમાં દબાણ જોવા મળી શકે છે.

મનોજ જૈને ઉમેર્યુ કે MCXમાં ગોલ્ડનું સપોર્ટ લેવર 50,330-50,000ની વચ્ચે રહી શકે છે. જ્યારે ચાંદીની વાત કરીએ તો ચાંદીમાં સપોર્ટ લેવર 62,500થી લઈને 61,800 છે જેનું રઝિસ્ટન્ટ લેવર 63660-64400 છે. રોકાણકારો સોનાને 50,000 રૂપિયાના લેવલ અને ચાંદીને 61,800ના લેવલ પર ખરીદી શકે છે.

દરમિયાન સોમવારે કોરોનાવાયરસ રસી વિશેના સારા સમાચારને કારણે, આંતરરાષ્ટ્રીય સ્તરે સોનાના (Gold price Today) ભાવમાં ભારે ઘટાડો થયો હતો. સમાચાર એજન્સી રોઇટર્સના જણાવ્યા અનુસાર આંતરરાષ્ટ્રીય સ્તરે સોનાના ભાવમાં 7 ટકાથી વધુ (Gold price Srump 7%) ઘટાડો થયો છે. નિષ્ણાતો કહે છે કે ટકાવારીના હિસાબે 2013 પછી એક દિવસમાં સોનાનો આ સૌથી મોટો ઘટાડો છે. આ સંકેતોની અસર સ્થાનિક બજારમાં પણ જોવા મળશે.