Gold, Silver Price Today: સસ્તું સોનુ ખરીદવાની તક, ચાંદીની સાથે આજે સોનું પણ થયું સસ્તું, જાણો 10 ગ્રામનો રેટ

નવી દિલ્હી: આજે સોના-ચાંદીના ભાવોમાં ((Gold Silver Price Today, 28 May 2021) મોટો ઘટાડો જોવા મળ્યો છે. બુલિયન માર્કેટમાં 10 ગ્રામ સોનાના ભાવમાં રૂપિયા 354નો ઘટાડો થયો છે. સોનાની તુલનામાં એક કિલો ચાંદીના (Silver Prices) ભાવમાં થોડો ઘટાડો છે. શુક્રવારે, એમસીએક્સ (MCX) પર સોનાનો દર 0.29% ઘટીને રૂ. 48,440 પર પ્રતિ 10 ગ્રામ રહ્યો છે. જુલાઈ વાયદો ચાંદી 71,395 રૂપિયા પર કારોબાર કરી રહી છે.

ગુરુવારે, એમસીએક્સ પર સોનાનો ભાવ 10 ગ્રામ દીઠ 0.02% વધીને રૂપિયા 48,794 પર ટ્રેડ કરી રહ્યો છે. તે જ સમયે, ચાંદીનો ભાવ પ્રતિ કિલોગ્રામ 71,400 રૂપિયા પર આવ્યો.

સોનાના ચાંદીના ભાવ આજે (Gold Silver Price Today): આજે એમસીએક્સ પર સોનાનો ભાવ 10 ગ્રામ દીઠ 0.29% ઘટીને 48,440 રૂપિયા પર આવી ગયો છે. આજે ચાંદીનો ભાવ 0.45 ટકા ઘટીને 71,395 રૂપિયા પ્રતિ કિલો થઈ ગયો છે.

નિષ્ણાંતોના મતે સોના અને ચાંદીના ભાવમાં વધુ વધારો થઈ શકે છે. સોનાના ભાવમાં વધારો થવાનું એક કારણ કોરોના વાયરસ હોઈ શકે છે. તાજેતરના અહેવાલમાં, એવું કહેવામાં આવ્યું છે કે, આવતા મહિનાઓમાં કોરોનાની ત્રીજી લહેર પણ આવશે. નિષ્ણાતો માને છે કે, આવનારા સમયમાં સોનું 50 હજારને પાર કરી જશે, તેથી રોકાણ માટે આ યોગ્ય સમય છે.

છેલ્લા કેટલાક દિવસોમાં ભારતીય બજારોમાં ગોલ્ડ ઇટીએફમાં (Gold ETF) ઘણાં રોકાણ થયા છે. સોનાના ભાવમાં વધારાની વચ્ચે સોનાના ઇટીએફમાં રોકાણ વધ્યું છે. રોકાણકારો આને રોકાણ માટે સલામત વિકલ્પ ગણાવી રહ્યા છે.