વિદેશી બજારો બાદ હવે વાયદા બજારમાં પણ તૂટ્યો સોનાનો ભાવ, જાણો સ્થાનિક બજારમાં શું થશે અસર

નવી દિલ્હીઃ અમેરિકન ડૉલર (US Dollar)માં પરત ફરેલી મજબૂતીના કારણે આંતરરાષ્ટ્રીય સ્તરે સોનાના ભાવમાં (Gold Price Today) ઘટાડો નોંધાયો છે. તેની અસર આજે સ્થાનિક વાયદા બજારમાં પણ જોવા મળી છે. મંગળવારે વાયદા બજારમાં સોના અને ચાંદીના ભાવમાં ઘટાડો જોવા મળ્યો. MCX પર સોનાનો ભાવ ઘટીને 51 હજાર રૂપિયા પ્રતિ દસ ગ્રામની નીચે આવી ગયો છે. ઓક્ટોબર વાયદો 0.5% તૂટીને 50,803 પ્રતિ દસ ગ્રામ થઈ ગયો. બીજી તરફ, ચાંદી ડિસેમ્બર વાયદો પણ 0.6% તૂટીને 67,850 પ્રતિ કિલોગ્રામ પર આવી ગયો. (પ્રતીકાત્મક તસવીર)

એક્સપર્ટ્સનું કહેવું છે કે ભારતીય રૂપિયામાં ઘટાડાના કારણે આજે સ્થાનિક બુલિયન માર્કેટમાં સોનાના ભાવમાં ઘટાડાની આશા ઓછી છે. જો રૂપિયામાં થોડીક રિકવરી જોવા મળે છે તો સોનાનો ભાવ ઘટી શકે છે. (પ્રતીકાત્મક તસવીર)

સોમવારે વધ્યો હતો સોનાનો ભાવ- સોમવારે દિલ્હી બુલિયન માર્કેટમાં સોનાના ભાવમાં 258 રૂપિયા વધ્યો હતો. ત્યારબાદ નવો ભાવ 51,877 પ્રતિ દસ ગ્રામ પર પહોંચી ગયો. આ પહેલા સોનાનો ભાવ 51,619 રૂપિયા પ્રતિ દસ ગ્રામ પર બંધ થયો હતો. (પ્રતીકાત્મક તસવીર)

ચાંદીના ભાવ 837 રૂપિયા પ્રતિ કિલોગ્રામ સુધી વધી ગયો હતો. તે વધીને 69,448 રૂપિયા પ્રતિ કિલોગ્રામના સ્તર પર પહોંચી ગયો. આ પહેલા ચાંદીનો ભાવ 68,611 રૂપિયા પ્રતિ કિલોગ્રામ પર બંધ થયો હતો. આંતરરાષ્ટ્રીય બજારમાં ચાંદીનો ભાવ 26.93 ડૉલર પ્રતિ ઓઉન્સ પર રહ્યો. (પ્રતીકાત્મક તસવીર)

ગત સત્રમાં સોનાના વાયદામાં 0.7%ની તેજી આવી હતી. સોમવારે ચાંદી વાયદામાં 1.6%નો ઉછાળો જોવા મળ્યો હતો. ગત મહિનાના ઉપરના સ્તરથી સોનું હજુ પણ લગભગ 5000 રૂપિયા અને ચાંદી લગભગ 10000 રૂપિયા સસ્તી છે. (પ્રતીકાત્મક તસવીર)

હવે શું થશે? – એક્સપર્ટ્સનું કહેવું છે કે દેશ-દુનિયા પર કોરોના વાયરસના કેસ વધી રહ્યા છે અને અમેરિકા-ચીનની વચ્ચે તણાવ વધી રહ્યો છે. સાથોસાથ ભારત અને ચીન જેવા મોટા બજારોમાં કસ્ટમર ડિમાન્ડ ખૂબ નબળી છે. તેથી સોનાના ભાવ સીમિત રહી શકે છે. (પ્રતીકાત્મક તસવીર)