Gold Silver Price Today: સોના-ચાંદીની કિંમતમાં આવ્યો ઉછાળો, ફટાફટ ચેક કરો આજના રેટ્સ

નવી દિલ્હી. સોનાની સાથે આજે બુધવારે ચાંદીના ભાવમાં (Gold-Silver Price Today, 14 July 2021) પણ ઉછાળો નોંધાયો છે. મલ્ટી કમોડિટી એક્સચેન્જ (MCX) પર 10 ગ્રામ સોનાના ભાવમાં 0.19 ટકાનો વધારો થયો. બીજી તરફ ચાંદીના ભાવમાં 0.03 ટકાની તેજી જોવા મળી છે. આજે ઓગસ્ટ ડિલિવરીવાળું સોનું (Gold Latest Price) લગભગ 100 રૂપિયાના વધારા સાથે 47,981 રૂપિયા પ્રતિ 10 ગ્રામ પર ટ્રેડ કરી રહ્યું છે. આ ઉપરાંત જો ચાંદી (Silver Latest Price) ની વાત કરીએ તો તેના ભાવમાં પણ આજે સામાન્ય તેજી આવી છે. (પ્રતીકાત્મક તસવીર)

અહીં ચેક કરો સોના અને ચાંદીની કિંમત (Gold-Silver Price Today, 14 July 2021)- આજે MCX પર ઓગસ્ટ ડિલિવરીવાળું સોનું 0.19 ટકાના વધારા સાથે 47,981 રૂપિયા પ્રતિ 10 ગ્રામ પર આવી ગયું છે. બીજી તરફ, ચાંદી 0.03 ટકાની તેજી બાદ 69,100 રૂપિયા પ્રતિ કિલોગ્રામ પર ટ્રેડ કરી રહી છે. (પ્રતીકાત્મક તસવીર)

રેકોર્ડ હાઇથી સોનું હજુ પણ સસ્તું- વર્ષ 2020ની વાત કરીએ તો ગયા વર્ષે સમાન અવધિમાં MCX પર 10 ગ્રામ સોનાનો ભાવ 56,191 રૂપિયાના ઉચ્ચતમ સ્તર પર પહોંચી ગયું હતું. આજે સોનું ઓગસ્ટ વાયદો MCX પર 47,981 રૂપિયા પ્રતિ 10 ગ્રામના લેવલ પર છે, એટલે કે હજુ પણ સોનું રેકોર્ડ હાઇથી ઘણા સસ્તામાં મળી રહ્યું છે. (પ્રતીકાત્મક તસવીર)

સોનાની ખરીદીને લઈ Expertsનો મત- જાણકારોનું માનવું છે કે, આ વર્ષના અંત સુધીમાં સોનાનો ભાવ ગત રેકોર્ડને તોડીને 60 હજાર રૂપિયા પ્રતિ 10 ગ્રામ સુધી પહોંચી શકે છે. જોકે, હજુ તેમાં ઘણા ઉતાર-ચઢાવ જોવા મળી શકે છે. એવામાં રોકાણકારો 6 મહિનાની અવધિ અને સ્ટોપલોસ લગાવીને ખરીદી કરે તો નફો મેળવી શકે છે. (પ્રતીકાત્મક તસવીર)

સોનામાં રોકાણની વાત કરીએ તો ગયા વર્ષે સોનાએ 28 ટકા રિટર્ન આપ્યું છે. તેના આગલા વર્ષે પણ સોનાનું રિટર્ન લગભગ 25 ટકા રહ્યું હતું. જો તમે લોન્ગ ટર્મ માટે રોકાણ કરી રહ્યા છો તો સોનું હજુ પણ રોકાણ માટે ખૂબ જ સુરક્ષિત અને સારો વિકલ્પ છે, જેમાં શાનદાર રિટર્ન મળે છે. (પ્રતીકાત્મક તસવીર)