Gold Price : સોનામાં અત્યારે રોકાણ કરો, 1-5 મહિનામાં જોરદાર નફો મેળવો! જાણો પાછલા વર્ષોનાં રેકોર્ડ

નવી દિલ્હી : દેશમાં સોના ચાંદીના ભાવ (Gold Price) છેલ્લા કેટલાક દિવસોથી ગગડી રહ્યા હતા. જોકે, નવા નાણાકીય વર્ષ 2021-22નાં પ્રથમ દિવસે સ્થાનિક સોની બજારોમાં સોના ચાંદીની કિંમતોમાં વધારો (Gold Price Today) થયો છે. આ સ્થિતિમાં દરેક રોકાણકારોને જાણવામાં રસ હશે કે સોનાના ભાવ કેટલા વધી શકે છે? આ સવાલનો જવાબ મેળવવા માટે પાછલા વર્ષોના રેકોર્ડ ચેક કરવો આવશ્યક છે.

સોનામાં લાંબા ગાળાના (Gold Ivestment) રોકાણ પર સારૂં રિટર્ન મળે છે. છેલ્લા 10 વર્ષના રેકોર્ડ ચેક કરશો તો જાણવા મળશે કે એપ્રિલ, જૂન, જુલાઇ, ઑગસ્ટમાં સોનું જબરદસ્ત કમાણી કરી આપે છે. દર વર્ષે મે મહિનામાં સોનાની કિંમત પર દબાણ રહે છે. હાલમા સોનાના ભાવ સર્વોચ્ચ સ્તરથી 20 ટકા ગગડી ગયું છે.

1 એપ્રિલ 2021નાં રોજ 44,701 રૂપિયા પ્રતિ 10 ગ્રામના (10 Gram Gold Latest Price) રોજ સોનાની કિંમત પહોંચી ગઈ છે. જ્યારે 7 ઑગસ્ટ 2020ના રોજ સોનાની કિંમત 57,008 રૂપિયા હતી. આ આધારે હાલમાં સોનાની કિંમત ઑગસ્ટની સરખામણીએ પ્રતિ 10 ગ્રામ રૂપિયા 12,307 સસ્તુ થયું છે.

સોનાના ભાવના ઇતિહાસ મુજબ છેલ્લા 10 વર્ષમાં સોનાની કિંમતમાં એપ્રિલ, જુન, જુલાઇ અને ઋગસ્ટમાં તેજી રહે છે. સોનાની કિંમતો એપ્રિલમાં આ સમયગાળામાં 2.38 ટકા નફો રળી આપ્યો છે જ્યારે મેમાં 0.16 ટકા નફો આપ્યો છે. ત્યારબાદ જુનમાં ફરી કિંમતો વધે છે અને રોકાણકારોને 1.45 ટકાનું રિટર્ન આપ્યું છે. જુલાઈમાં એવરેજ 1.47 ટકા રિટર્ન સોનાના ભાવમાં મળે છે. છેલ્લા 10 વર્ષથી ઑગસ્ટ સૌથી વધુ રિટર્ન આપનારો મહિનો સાબિત થયો છે.

વર્તમાન સ્થિતિનાં અનુસંધાનામાં એક્સપર્ટસ્ દ્વારા સોનામાં 52,000 રૂપિયાથી લઈને 53,000 પ્રતિ 10 ગ્રામ કિંમતનું લક્ષ્ય રાખવામાં આવ્યું છે જ્યારે કેટલા જાણકારોના મતે વર્ષ 2021માં સોનાની કિંમત 63 રૂપિયાના સ્તરે પણ જઈ શકે છે. આમ હાલની કિંમતોને જોતા જોખમ ખેડીને પણ સોનામાં રોકાણ કરવા માટેનો આ શ્રેષ્ઠ સમય છે.