Gold Silver Price Today: બે મહિનાના નીચલા સ્તરે સોનું, ચાંદીની કિંમતમાં તેજી, ફટાફટ ચેક કરો આજના ભાવ

નવી દિલ્હી. સોનાની કિંમતો (Gold Price Today)માં બુધવારે પણ તેજી જોવા મળી છે. એમેસીએક્સ (MCX) પર સોનું વાયદો હળવા વધારાની સાથે ટ્રેડ કરી રહ્યો છે. પરંતુ ગોલ્ડનો ભાવ હજુ પણ બે મહિનાના નીચલા સ્તર પર છે. આજે સોનું 47,000 રૂપિયા પ્રતિ 10 ગ્રામ છે. બીજી તરફ ચાંદી (Silver Price Today) 0.46 ટકાના વધારાની સાથે 67,823 રૂપિયા પ્રતિ કિલોગ્રામના લેવલ પર છે. અમેરિકન ફેડરલ રિઝર્વના અધ્યક્ષ જેરોમ પોવેલ દ્વારા વ્યાજ દરોમાં વધારો નહીં કરવાની વાત કહ્યા બાદ પોઝિટિવ ગ્લોબલ સંકેતોના કારણે ભારતમાં સોનાની કિંમતોમાં બુધવારે તેજી આવી છે. (પ્રતીકાત્મક તસવીર)

ગત એક સપ્તાહમાં સોનાના વૈશ્વિક દરોમાં ઉતાર-ચડાવ આવ્યા છે. ઇન્ટરનેશનલ માર્કેટની વાત કરીએ તો અહીં હાજર સોનું 0.1 ટકાના વધારાની સાથે 1780.06 ડૉલર પ્રતિ ઔંસ પર છે. રોઇટર્સ મુજબ, અમેરિકન ગોલ્ડ વાયદો 1,777.60 ડૉલર પ્રતિ ઔંસ પર સ્થિર હતું. (પ્રતીકાત્મક તસવીર)

24 કેરેટ ગોલ્ડનો ભાવ- ગુડરિટર્સ્ વેબસાઇટ મુજબ, 23 જૂન 2021ના રોજ 24 કેરેટ ગોલ્ડનો ભાવ તમામ શહેરોમાં અલગ-અલગ છે. રાજધાની દિલ્હીમાં 10 ગ્રામ સોનાની કિંમત 50.350 રૂપિયા, ચેન્નઇમાં 48,600 રૂપિયા, મુંબઈમાં 47,110 રૂપિયા, કોલકાતામાં 48,980 રૂપિયા અને બેંગલુરુમાં 48,110 રૂપિયા છે. (પ્રતીકાત્મક તસવીર)

દિલ્હી બુલિયન માર્કેટમાં સોનામાં હતી તેજી- દિલ્હી બુલિયન માર્કેટમાં પણ મંગળવારે તેજી જોવા મળી હતી. દિલ્હીમાં 99.9 ગ્રામ શુદ્ધતાવાળા સોનાનો નવો ભાવ હવે 46,213 રૂપિયા પ્રતિ 10 ગ્રામ થઈ ગયો હતો. બીજી તરફ, ચાંદી 86 રૂપિયાના ઘટાડા બાદ 66,389 રૂપિયા પ્રતિ કિગ્રા પર બંધ થઈ હતી. (પ્રતીકાત્મક તસવીર)

ગોલ્ડમાં તેજી કેમ આવી રહી છે? - એચડીએફસી સિક્યુરિટીઝ (HDFC Securities)ના સીનિયર એનાલિસ્ટ (કોમોડિટિઝ) તપન પટેલે જણાવ્યું કે ડૉલરના મુકાબલે રૂપિયામાં 10 પૈસાનો ઘટાડો આવ્યો. બીજી તરફ, આંતરરાષ્ટ્રીય બજારમાં સોના હાજરનો ભાવ સામાન્ય ઘટ્યો છે. આંતરરાષ્ટ્રીય બજારમાં ચાલી રહેલી ઉથલપાથલ અને રૂપિયામાં આવેલા સામાન્ય ઘટાડાના કારણે દિલ્હી બુલિયન માર્કેટમાં આજે સોનું સામાન્ય ઉછળ્યું છે. (પ્રતીકાત્મક તસવીર)