ખુશખબર- ધનતેરસ પહેલા સોનું સસ્તું થયું, આ કારણે ઘટી રહ્યો છે ભાવ

નવી દિલ્હીઃ કોરોના વાયરસ વેક્સીન (Coronavirus Vaccine)ને લઈ સતત આવી રહેલા સારા સમાચારોના કારણે સોના (Gold Price Today)ને લઈને ચાલી રહેલું સેફ ઇન્વેસ્ટમેન્ટ ડિમાન્ડ ઘટી ગઈ છે. સાથોસાથ આંતરરાષ્ટ્રીય સ્તર પર હવે અમેરિકન ડૉલર મજબૂત થવા લાગ્યો છે. તેથી સોનાના ભાવ પર દબાણ જોવા મળી રહ્યું છે. (પ્રતીકાત્મક તસવીર)

કોમેક્સ પર સોનાનો ભાવ 1 ટકાથી વધુ ઘટીને 1860 ડૉલર પ્રતિ ઓંસ પર આવી ગયો છે. એક્સપર્ટ્સનું કહેવું છે કે શૅર બજારમાં તેજી અને ડૉલરની મજબૂતીના કારણે સોનાનો ભાવ ઘટી ગયો છે. આવનારા દિવસોમાં કિંમત વધુ ઝડપથી ઘટી શકે છે. સ્થાનિક બજારોમાં ભાવ 5 ટકાથી વધુ તૂટી શકે છે. (પ્રતીકાત્મક તસવીર)

ધનતેરસે સોનું થઈ શકે છે વધુ સસ્તું- એક્સપર્ટ્સનું કહેવું છે કે વિદેશી બજારોથી મળી રહેલા સંકેતોને કારણે સ્થાનિક બજારમાં સોનું વધુ સસ્તું થઈ શકે છે. નોંધનીય છે કે દિલ્હી બૂલિયન માર્કેટમાં બુધવારે સોનાનો ભાવ માત્ર 3 રૂપિયા પ્રતિ 10 ગ્રામ વધ્યો હતો. (પ્રતીકાત્મક તસવીર)

રાજધાની દિલ્હીમાં 99.9 ગ્રામ શુદ્ધતાવાળું સોનું 50,114 રૂપિયા પ્રતિ 10 ગ્રામ રહ્યું. ચાંદીની વાત કરીએ તો દિલ્હી બૂલિયન માર્કેટમાં બુધવારે ચાંદી 451 રૂપિયા પ્રતિ કિલો વધી ગયો. તેનો ભાવ 60,023 રૂપિયા પ્રતિ કિલોગ્રામ પર પહોંચી ગયો. (પ્રતીકાત્મક તસવીર)

નિર્મલ બંગના કૃણાલ શાહના જણાવ્યા મુજબ, આ વર્ષે એક હજાર ટન સુધી સોનાની ખરીદી થઇ છે. કોરોનાની વેક્સીનના સમાચાર આવવાથી મોટી સંખ્યામાં લોકો પ્રોફિટ બુકિંગ કરવા આવી ગયા જેના કારણે સોનામાં મોટો ઘટાડો જોવા મળ્યો છે. (પ્રતીકાત્મક તસવીર)

સોનાનો ભાવ વધુ કેટલો ઘટી શકે છે? – એલકેપી સિક્યુરિટીઝના જતિન ત્રિવેદીના જણાવ્યા મુજબ છેલ્લા અનેક મહિનાઓથી એવી ચર્ચા થઈ રહી હતી કે કોરોનાની કોઈ વેક્સીન આવશે તો પ્રોફિટ બુકિંગ થશે. મૂળે મોટી સંખ્યામાં લોકોએ સોનામાં સુરક્ષિત વિકલ્પ તરીકે રોકાણ કર્યું છે. એવામાં વેક્સીનના સમાચારની સાથે પ્રોફિટ બુકિંગ થયું. પરંતુ સોનું હજુ પણ પહેલાની જેમ 49,500 રૂપિયાના ભાવ પર મજબૂત છે. જ્યાં સુધી આ સ્તર નહીં તૂટે ત્યાં સુધી મોટો ઘટાડો નહીં આવે. (પ્રતીકાત્મક તસવીર)