Gold Price Today: આજે ફરી સસ્તા થયા સોના-ચાંદી, ખરીદતાં પહેલા ચેક કરો કેટલો ઘટ્યો ભાવ

નવી દિલ્હી. નબળા વૈશ્વિક સંકેતોની વચ્ચે ભારતીય બજારોમાં સોનાની કિંમત (Gold Price Today)માં સતત પાંચમા દિવસે ઘટાડો જોવા મળી રહ્યો છે. જો તમે સસ્તું સોનું ખરીદવાનો પ્લાન કરી રહ્યા છે તો આપના માટે સારા સમાચાર છે. 28 એપ્રિલ 2021ના રોજ MCX પર સોનું વાયદો 0.32 ટકા ઘટીને 47,151 પ્રતિ 10 ગ્રામના સ્તર પર પહોંચી ગયો છે. બીજી તરફ, ચાંદી (Silver Price Today) 0.9 ટકા ઘટીને 69,603 પ્રતિ કિલોગ્રામ પર પહોંચી ગઈ છે. (પ્રતીકાત્મક તસવીર)

નોંધનીય છે કે, ગત સત્રમાં સોનાની કિંમતમાં 0.35 ટકાનો ઘટાડો નોંધાયો હતો, જ્યારે ચાંદીમાં 0.3 ટકાની તેજી જોવા મળી હતી. ગત સપ્તાહે ગોલ્ડ 48,400ના સ્તર પર પહોંચી ગયું હતું. બે મહિનાના ઉચ્ચ સ્તર પર ટકરાયા બાદ વૈશ્વિક સ્તર પર ઘટાડાને જોતાં સોનાની કિંમત સતત ગગડી રહી છે. (પ્રતીકાત્મક તસવીર)

24 કેરેટ સોનાનો ભાવ- 24 કેરેટ સોનાના ભાવની વાત કરીએ તો આજે દેશની રાજધાની દિલ્હીમાં 50170 રૂપિયા પ્રતિ 10 ગ્રામના સ્તર પર છે. બીજી તરફ, ચેન્નઈમાં 48700 રૂપિયા, મુંબઈમાં 45790 રૂપિયા અને કોલકાતામાં 49440 રૂપિયા પ્રતિ 10 ગ્રામના લેવલ પર છે. (પ્રતીકાત્મક તસવીર)

22 કેરેટ સોનાનો ભાવ- આ ઉપરાંત 22 કેરેટ સોનાના ભાવની વાત કરીએ તો આજે દિલ્હીમાં 45990 રૂપિયા પ્રતિ 10 ગ્રામના લેવલ પર છે. બીજી તરફ, ચેન્નઈમાં 44640 રૂપિયા, મુંબઈમાં 44790 રૂપિયા અને કોલકાતામાં 46740 રૂપિયા પ્રતિ 10 ગ્રામના લેવલ પર છે. (પ્રતીકાત્મક તસવીર)

ઈન્ટરનેશનલ માર્કેટમાં સોનામાં ધોવાણ- ઈન્ટરનેશનલ માર્કેટની વાત કરીએ તો અહીં આજે સોનાના ભાવમાં ધોવાણ થયું છે. નોંધનીય છે કે હાલના સમયમાં રોકાણકારોની નજરો ફેડરલ રિઝર્વની બે દિવસીય મીટિંગ પર છે જે આજે ખતમ થઈ રહી છે. ફેડ અધ્યક્ષ જેરોમ પોવેલ આજે ફેડ બેઠક બાદ એક પ્રેસ કોન્ફરન્સ કરશે. (પ્રતીકાત્મક તસવીર)

ઈન્ટરનેશનલ માર્કેટમાં સોનું હાજર 0.5 ટકા ઘટીને 1,767.76 ડૉલર પ્રતિ ઔંસ પર રહ્યું. અન્ય કિંમતી ધાતુઓમાં ચાંદી 0.9 ટકા ઘટીને 26.00 ડૉલર પ્રતિ ઔંસ પર આવી ગઈ, જ્યારે પ્લેટિનમ એક ટકા નીચે 1,216.75 ડૉલર પર હતું. (પ્રતીકાત્મક તસવીર)