Gold Silver Price Today: સોનું સસ્તું થયું, ચાંદીના ભાવમાં પણ ઘટાડો, ફટાફટ ચેક કરો રેટ્સ

નવી દિલ્હી. સોનું ખરીદનારા લોકો માટે રાહતના સમાચાર છે. આજે સોનાની કિંમત (Gold price today)માં જોરદાર ઘટાડો જોવા મળ્યો છે. મલ્ટી કમોડિટી એક્સચેન્જ પર સોનું 0.2 ટકાના ઘટાડાની સાથે 49,020 રૂપિયા પ્રતિ 10 ગ્રામના લેવલ પર કારોબાર કરી રહ્યું છે. આ ઉપરાંત ચાંદીની કિંમતમાં ઘટાડો જોવા મળી રહ્યો છે. ચાંદી (Silver Price today) 0.5 ટકા ઘટીને 71,507 રૂપિયા પ્રતિ કિલોગ્રામના લેવલ પર છે. બીજી તરફ, ગત કારોબારી સત્રમાં સોનાની કિંમતમાં 0.9 ટકાની તેજી જોવા મળી હતી. (પ્રતીકાત્મક તસવીર)

આંતરરાષ્ટ્રીય માર્કેટની વાત કરીએ તો અહીં પણ સોનાની કિંમતમાં ઘટાડો જોવા મળી રહ્યો છે. અમેરિકામાં સોનાનો કારોબાર 1.56 ડૉલરના ઘટાડા સાથે 1,887.09 ડૉલર પ્રતિ ઔંસના રેટ પર ચાલી રહ્યો છે. બીજી તરફ, ચાંદીનો કારોબાર 0.09 ડૉલરના ઘટાડાની સાથે 27.72 ડૉલરના સ્તરપર થઈ રહ્યો છે. (પ્રતીકાત્મક તસવીર)

અન્ય ધાતુઓમાં પણ આવ્યો ઘટાડો- આ ઉપરાંત અન્ય કિંમતી ધાતુઓમાં ચાંદી 0.1 ટકા ઘટીને 27.73 ડૉલર પ્રતિ ઔંસ થઈ ગઈ, જ્યારે પ્લેટિનમ 0.2 ટકા ઘટીને 1,147.56 ડૉલર થઈ ગયું છે. (પ્રતીકાત્મક તસવીર)

24 કેરેટ ગોલ્ડનો ભાવ- ગુડ્સ રિટર્ન વેબસાઇટ મુજબ, 10 જૂને 24 કેરેટ ગોલ્ડની વાત કરીએ તો આજે રાજધાની દિલ્હીમાં 52,420 રૂપિયા પ્રતિ 10 ગ્રામના લેવલ પર છે. કોલકાતામાં 50,920 રૂપિયા, મુંબઈમાં 48,680 રૂપિયા અને ચેન્નઈમાં 50,500 રૂપિયા પ્રતિ 10 ગ્રામના લેવલ પર છે. (પ્રતીકાત્મક તસવીર)

આવી રીતે ચેક કરી શકાશે સોનાની શુદ્ધતા- જ્યારે તમે સોના ચાંદીની ખરીદી કરવા નીકળો ત્યારે સોનાની શુદ્ધતા જાતે ચકાસી શકો છો. સરકારે આના માટે 'BIS Care app' એપ બનાવી છે. જેના દ્વારા સોનાની શુદ્ધતા ચકાસી શકાય છે. આ એપમાં લાઇસન્સ નંબર અથવા તો તપાસમાં હૉલમાર્ક ખોટો નીકળે તો તાત્કાલિક ગ્રાહકો ફરિયાદ કરી શકે છે. (પ્રતીકાત્મક તસવીર)

BIS Care Appમાં સામાનનું લાઈસેન્સ, રજીસ્ટ્રેશન અને હોલમાર્ક નંબર જો ખોટો જણાય તો, ગ્રાહક આ અંગેની ફરિયાદ કરી શકે છે. આ એપની (Gold) મદદથી તરત જ ગ્રાહકોની ફરિયાદ દાખલ કરવાની માહિતી પણ મળી જાય છે. (પ્રતીકાત્મક તસવીર)