નવી દિલ્હીઃ હાલના દિવસોમાં ભારતીય બજારોમાં સોનાના ભાવમાં મોટો ઘટાડો જોવા મળી રહ્યો છે. મંગળવારે મલ્ટી કમોડિટી એક્સચેન્જ (MCX) પર ફેબ્રુઆરી સોના વાયદાનો (Gold price today) ભાવ 0.03 ટકા પ્રતિ 10 ગ્રામ તૂટયો છે. આ ઉપરાંત ચાંદીના ભાવમાં (Silver price today) પણ ઘટાડો જોવા મળી રહ્યો છે. માર્ચનો ચાંદીનો વાયદો પણ 0.22 ટકા પ્રતિ કિલોગ્રામ ઘટયો છે. શુક્રવારે મોટા ઘટાડા બાદ ગત સત્રમા; સોનાના ભાવમાં 0.7 ટકાની તેજી નોંધાઈ હતી. (પ્રતીકાત્મક તસવીર)
બે હજાર સુધી ગબડ્યો હતો ભાવ - શુક્રવાર એટલે કે 8 જાન્યુઆરી 2021ના રોજ ગોલ્ડનો ફેબ્રુઆરી વાયદા ભાવ (Gold Future) 2,068 રૂપિયા પ્રતિ 10 ગ્રામ ઘટીને 48,818 રૂપિયા પર પહોંચી ગયો હતો. આ ઉપરાંત સોમવારે પણ સોનાના ભાવમાં ઘટાડો જોવા મળ્યો હતો. આ ઉપરાંત ચાંદીના ભાવમાં પણ ઘટાડો જોવા મળ્યો છે. (પ્રતીકાત્મક તસવીર)
નોંધનીય છે કે, કેન્દ્ર સરકારે 2 લાખ રૂપિયાથી વધુ સોનું ખરીદવા પર આધાર નંબર અને પાન કાર્ડ જરૂરી કરી દીધા છે. ત્યારબાદ જ ભાવ ઘટવાની આશા વ્યક્ત કરવામાં આવી રહી છે. (પ્રતીકાત્મક તસવીર)
જાણો આજે શું છે સોનાના ભાવ - MCX પર આજે ફેબ્રુઆરીના સોનાનો વાયદો 14 રૂપિયા તૂટીને 49,328 રૂપિયા પ્રતિ 10 ગ્રામ થઈ ગયો. જ્યારે ચાંદીનો ભાવ 155 રૂપિયા ઘટીને 65,400 રૂપિયા પ્રતિ કિલોગ્રામ થઈ ગયો. ઇન્ટરનેશનલ માર્કેટમાં આજે સોનાના ભાવમાં વધારો નોંધાયો પરંતુ ડૉલરની મજબૂતીથી તેજી ગાયબ થઈ ગઈ. સ્પોટ ગોલ્ડ 0.2 ટકા વધીને 1847.96 ડૉલર પ્રતિ ઔંસ જ્યારે ચાંદી 0.8 ટકા વધીને 25.11 ડૉલર પ્રતિ ઔંસ થઈ ગઈ. (પ્રતીકાત્મક તસવીર)
ભારતીય વાયદા બજારમાં સોના-ચાંદીનો ભાવ ઘટવાનું મોટું કારણ આંતરરાષ્ટ્રીય સ્તર પર બંને કિંમતી ધાતુઓના ભાવમાં ઘટાડો રહ્યો. બીજી તરફ અમેરિકન બોન્ડના યીલ્ડ વધવા અને ડૉલરના મજબૂત થવાથી પણ બંને કિંમતી ધાતુઓના ભાવ ઘટ્યા છે. (પ્રતીકાત્મક તસવીર)
સસ્તામાં સોનું ખરીદવાની સરકાર આપી રહી છે તક - નોંધનીય છે કે, કેન્દ્ર સરકાર હાલમાં આપને સસ્તામાં સોનું ખરીદવાની તક આપી રહી છે. દસમી સીરીઝ હેઠળ રોકાણકારો 11 જાન્યુઆરીથી 15 જાન્યુઆરીની વચ્ચે તેમાં રોકાણ કરી શકે છે. રિઝર્વ બેંકે એક ગ્રામ સોનાનો ભાવ 5104 રૂપિયા રાખ્યો છે. જો કોઈ રોકાણકાર તેના માટે ઓનલાઇન અરજી કરે છ અને ડિજિટલ મોડમાં પેમેન્ટ કરવામાં આવે છે તો તેમને 50 રૂપિયા પ્રતિ ગ્રામ ડિસ્કાઉન્ટ મળશે. (પ્રતીકાત્મક તસવીર)
