Gold Loan: આ પાંચ બેંકો આપી રહી છે ઓછા વ્યાજની ગોલ્ડ લોન, તમે પણ જાણી લો વ્યાજદર

જો તમને પૈસાની જરૂર હોય અને લોન લેવી હોય તો ગોલ્ડ લોન તમારા માટે સારો વિકલ્પ બની શકે છે. ગોલ્ડ લોન અન્ય લોનની તુલનામાં ખૂબ ઓછા સમયમાં મંજૂર થાય છે. આજે અમે તમને એવી 5 બેંકો વિશે જણાવવા જઈ રહ્યા છીએ જે ઓછા વ્યાજ દરે ગોલ્ડ લોન આપી રહી છે.

ઈન્ડિયન બેંક તેના ગ્રાહકોને 7 ટકાના ફ્લોટિંગ વ્યાજ દરે ગોલ્ડ લોન આપી રહી છે. પ્રોસેસિંગ ફી મંજૂર મર્યાદાના 0.56 ટકા છે.

સેન્ટ્રલ બેંક ઓફ ઈન્ડિયા 7.10 ટકાથી 7.20 ટકાના વ્યાજ દરે ગોલ્ડ લોન આપી રહી છે. તમારે લોનની રકમના 0.75 ટકા પ્રોસેસિંગ ફી તરીકે ચૂકવવા પડશે.

ETના અહેવાલ મુજબ, જાહેર ક્ષેત્રની યુનિયન બેન્ક ઓફ ઈન્ડિયા 7.25 ટકાથી 7.50 ટકાના વ્યાજ દરે ગોલ્ડ લોન ઓફર કરી રહી છે.

જાહેર ક્ષેત્રની યુકો બેંક પાસેથી 7.40 ટકાથી 7.20 ટકાના દરે ગોલ્ડ લોન ઉપલબ્ધ છે. પ્રોસેસિંગ ફી 250 રૂપિયાથી 5000 રૂપિયા સુધીની છે.

ખાનગી ક્ષેત્રની HDFC બેંક પાસેથી 7.60 ટકાથી 16.81 ટકાના દરે ગોલ્ડ લોન ઉપલબ્ધ છે. તમારે વિતરિત રકમના 1% પ્રોસેસિંગ ફી તરીકે ચૂકવવા પડશે.