શેર બજારમાં ઘટાડોઃ માલામાલ થવા અપનાવો આ ફોર્મ્યૂલા

ગ્લોબલ માર્કેટમાં થયેલા ઘટાડાને પગલે ભારતીય શેરબજારમાં પણ ઘટાડો જોવા મળી રહ્યો છે. શુક્રવારે પણ ભારતીય શેરબજારમાં ઘટાડો જોવા મળ્યો હતો. શરૂઆતમાં સેન્સેક્સમાં 500 પોઇન્ટનો ઘટાડો જોવા મળ્યો હતો. જ્યારે નિફ્ટીમાં 144 પોઇન્ટનો ઘટાડો જોવામાં આવ્યો હતો. પરંતુ તમારે ડરવાની જરૂર નથી. કારણ કે આ ઘટાડા દરમિયાન રોકાણ કરવા માટે તમારા માટે સારો મોકો છે. તમને જણાવીએ આવી પરિસ્થિતિમાં કઈ જગ્યાએ પૈસાનું કરવું જોઈએ રોકાણ...

સૌથી વધારે કરેક્શન મિડકેપ અને સ્મોલકેપ શેરમાં થયું છે. ન્યૂઝ18 સાથે ખાત વાતચીત કરતા એક્સપર્ટ વિવેક મિત્તલે જણાવ્યું હતું કે આ સમયે રોકાણકારો માટે સ્મોલ અને મિડકેપમાં રોકાણ કરવું યોગ્ય રહશે. કારણ કે હાલમાં આ શેર્સની કિંમતોમાં ઘટાડો થયો છે. આગામી દિવસોમાં આ શેર્સની કિંમતોમાં ઉછાળાની જોરદાર સંભાવના રહેલી છે. તમને 25 ટકા સુધી રિટર્ન મળી શકે છે.

આ મ્યુચ્યુઅલ ફંડમાં લગાવી શકો છો પૈસાઃ જો તમે મ્યુચ્યુઅલ ફંડમાં પૈસા લગાવવાનું પ્લાનિંગ કરી રહ્યા છો તો તમે HDFC બેંક, ICICI બેંક અને ફ્રેંકલિનમાં પૈસા લગાવી શકો છો. આ મ્યુચ્યુઅલ ફંડમાં સારું વળતર મળી શકે છે.

બ્લૂ ચિપ કંપનીઓમાં લગાવો પૈસાઃ જો તમે એક લાખ રૂપિયા સુધીની રકમનું રોકાણ કરવા માંગો છો તો 5000-10000 રૂપિયા રિલાયન્સ, એસબીઆઈ, આઈસીઆઈસીઆઈ બેંકમાં લાંબા સમય સુધી રોકી શકો છો. આમા તમને 15-20 ટકા સુધી રિટર્ન મળી શકે છે.

લોંગ ટર્મ ઇન્વેસ્ટ કરોઃ આ સમય લોંગ ટર્મ રોકાણ કરવાનો છે. આવું કરશો તો તમને સારું રિટર્ન મળી શકે છે.

PSU બેંકમાં લગાવી શકો છો પૈસાઃ શેર માર્કેટમાં તમે પૈસા લગાવવા માંગો છો તો તમે PSU બેંકના સ્ટોક્સમાં પૈસા લગાવી શકો છે. અત્યારે આ સારો ઓપ્શન છે.

ગોલ્ડમાં લગાવી શકો છો પૈસાઃ ગોલ્ડમાં પૈસા લગાવવા તેમજ કાઢવા બંને માટે આ સારો સમય છે. કારણ કે અત્યારે સોનાનો ભાવ સારો હોવાથી તમને સારું વળતર મળી શકે છે. સાથે જ તમે સોનાની ખરીદી પણ કરી શકો છો. કારણ કે ગોલ્ડ હંમેશા સુરક્ષિત રોકાણ રહ્યું છે.

ડિશ ટીવીમાં લગાવી શકો છો પૈસાઃ ડિશ ટીવીનો શેર ખરીદવો આ સમયે ફાયદાનો સોદો છે. કારણ કે બહુ ઝડપથી વીડિયોકોન ડીટીએચ અને ડિશ ટીવીનું મર્જર થવાનું છે. આનો સીધો ફાયદો સ્ટોક્સને થશે.

એગ્રીકલ્ચર અને ઇન્ફ્રાસ્ટ્રક્ચર કંપનીઓમાં લગાવી શકો છો પૈસાઃ બજેટમાં આ કંપનીઓને સારું ફંન્ડિંગ મળ્યું છે, જેના કારણે આ કંપનીઓ ગ્રોથ કરશે, અને રોકાણકારોને સારું એવું વળતર મળશે.

2020-2021 સુધી લગાવો પૈસાઃ જો તમે રોકાણ કરવાનું પ્લાનિંગ કરી રહ્યા છો તો 2021 સુધી તમે જ્યાં પૈસા લગાવ્યા છે ત્યાં જ લગાવી રાખો, આ પૈસાને ઉપાડશો નહીં.