Tata, Zomato સહિત આ 10 શેરમાં વિદેશી રોકાણકારોને પૂરો વિશ્વાસ, કરી રહ્યા છે ભારે ખરીદી

પાછલા દોઢ વર્ષમાં વિદેશી રોકાણકારોએ ખૂબ જ વેચવાલી કરી છે. હાલમાં ભારતીય શેરબજારમાં વિદેશી સંસ્થાગત રોકાણકારો (FIIs)નું શેર હોલ્ડિંગ 19 ટકા જેટલું છે જે છેલ્લા 10 વર્ષમાં સૌથી નીચલું સ્તર છે. પરંતુ ફરી એકવાર વિદેશી રોકાણકારો ભારતીય બજાર તરફ વળ્યા છે. જુલાઈ સપ્ટેમ્બર ત્રિમાસિકગાળામાં એકલા 10 શેરમાં જ તેમણે રુ. 1 લાખ કરોડનું રોકાણ કર્યું છે.

જુલાઈ સપ્ટેમ્બર ત્રિમાસિક ગાળામાં વિદેશી રોકાણકારોએ કુલ 764 કંપનીઓના શેરમાં ખરીદી કરી છે. જેમાં FIIsએ સૌથી વધુ ટાટા ગ્રુપની સ્ટીલ કંપની ટાટા સ્ટીલમાં રુ. 24,989 કરોડ રુપિયાનું રોકાણ કર્યું છે. આ દરમિયાન શેરમાં લગભગ 14 ટકા તેજી જોવા મળી છે.

વિદેશી રોકાણકારોએ ડિફેન્સ સેક્ટરની સરકારી કંપની Bharat Electronicsમાં લગભગ 22,000 કરોડ રુપિયાનું રોકાણ કર્યું છે. FIIs એ આ નવરત્ન કંપનીમાં લગભગ 87.89 કરોડ શેર ખરીદ્યા છે. સૌથી વધુ નંબરની ખરીદારી અંગે જોવામાં આવે તો આ બીજા નંબરની સૌથી મોટી ખરીદદારી છે.

આ ઉપરાંત FIIs દ્વારા નવા જમાનાની ફૂડ ડિલિવરી કંપની Zomato પર પણ ભરોસો દાખવવામાં આવ્યો છે. બીજા ત્રિમાસિક ગાળામાં વિદેશી રોકાણકારોએ Zomatoના 8057 કરોડ રુપિયાના શેર ખરીદ્યા છે. આ રોકાણકારોએ ઝોમાટોના લગભગ 139 કરોડ શેર ખરીદ્યા છે. હાલ આ સેર 76 રુપિયા પ્રતિ શેરની નીચે કારોબાર કરી રહ્યા છે.

વિદેશી રોકાણકારો સિગરેટથી લઈને હોટેલનો કારોબાર કરવાવાળી ITCમાં 3200 કરોડ રુપિયાના શેર ખરીદ્યા છે. ITC 2022માં નિફ્ટીની સૌથી શાનદાર પરફોર્મન્સ કરનારી કંપનીમાંથી એક છે. વિદેશી રોકાણકારોએ ITCના 10.39 કરોડ શેર ખરીદ્યા છે.

આ ઉપરાંત વિદેશી રોકાણકારોએ નોન બેંકિંગ ફાઇનાન્શિયલ સર્વિસ સેક્ટરની અગ્રણી કંપની Bajaj Finserveમાં 15,680 કરોડ રુપિયાનું રોકાણ કર્યું છે.

વિદેશી રોકાણકારોએ ભારતીય ઇન્સ્યુરન્સ પ્રોવાઇડર Max Healthcareમાં પણ મોટું રોકાણ કરતાં 9656 કરોડ રુપિયાના શેર રોક્યા છે.

ભારતીય ટેલિકોમ ક્ષેત્રની દિગ્ગજ કંપની Bharti Airtel માં પણ વિદેશી રોકાણકારોએ દબાવીને ખરીદી કરી છે. આ કંપનીના તેમણે કુલ 8807 કરોડ રુપિયાના શેર ખરીદ્યા છે.

ભારતીય બેંકિંગ સેક્ટરમાં પણ વિદેશી રોકાણકારોને ઉજળું ભવિષ્ય દેખાઈ રહ્યું છે. જેમાં ICICI Bankના શેરમાં વિદેશી સંસ્થાગત રોકાણકારોએ 7615 કરોડ રુપિયાનું રોકાણ કર્યું છે.

વિદેશી રોકાણકારોએ ભારતીય FMCG સેક્ટરની HULમાં પણ સારું એવું રોકાણ કર્યું છે. FIIs દ્વારા છેલ્લા કેટલાક સમયમાં આ શેરમાં 4495 કરોડ રુપિયાના શેર ખરીદ્યા છે.

વિદેશી સંસ્થાગત રોકાણકારોએ સમાન સમયગાળામાં ભારત સરકારની માલિકીની ગેસ પેટ્રોલિયમ સેક્ટરની કંપની GAIL માં રુ. 4018 કરોડનું રોકાણ કર્યું છે.

સૌથી ખાસ વાત એ છે કે આ કંપનીઓ પૈકી ITC, Bharti Airtel, HUL અને ICICI Bank ના શેર્સ તો સ્થાનિક રોકાણાકારો અને બ્રોકરેજ હાઉસીસના પણ ફેવરિટ છે. પાછલા એક મહિનામાં ITCના શેરમાં 8 જેટલા બ્રોકરેજ હાઉસે રેટિંગ અપગ્રેડ કર્યા છે. જ્યારે Bharti Airtel, HULઅને ICICI Bankના શેર્સ માટે 7 જેટલા બ્રોકરેજ હાઉસે રેટિંગ અપગ્રેડ કર્યા છે.

(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)