મંદીના વમળમાં આ 5 સ્ટોક કરાવશે બમ્પર કમાણી: BP Wealthના રોહન શાહે આપી આ Stock Tips

ભારતીય શેરમાર્કેટમાં હિન્ડેનબર્ગ-અદાણી કાંડ બાદ શરૂ થયેલ વેચવાલીનો દોર દિવસેને દિવસે આગળ વધી રહ્યો છે. સોમવારના સત્રમાં બજારમાં ભારે ઉતાર-ચઢાવ જોવા મળ્યો હતો. આ અફરાતફરીના માહોલમાં બજારમાં નાના-મોટા તમામ શેરમાં મસમોટી વેચવાલી જોવા મળી રહી છે, પરંતુ BP Wealthના ટેકનિકલ રિસર્ચ હેડ રોહન શાહે જણાવ્યું કે આ બજારમાં પણ એવા ઘણા શેરો છે જે સારો દેખાવ કરી શકે છે અને 8-12 મહિના દરમિયાન દરેક ઘટાડે ખરીદારી કરવાની વ્યૂહરચના સાથે રોકાણ કરવા આગળ આવવું જોઈએ.

શાહે જણાવ્યું કે નિફ્ટી-50 નજીકના ભવિષ્યમાં રૂ. 17,470-17,420ની નજીક સપોર્ટ ઝોન ધરાવે છે અને જો આ સપોર્ટ ઝોન ટકી રહે તો 17,800-18,200 સુધી પુલબેક રેલીની અપેક્ષા છે. તાજેતરના કરેક્શન પછી શાહને લાગે છે કે ઘણા શેરોનું ચાર્ટ સ્ટ્રકચર મજબૂત અને આકર્ષક લાગે છે.

આગામી દિવસોમાં નિફ્ટીની ચાલ અંગે રોહન શાહે જણાવ્યું કે ગત અઠવાડિયે ભારે વેચવાલી અને 17,800 સપોર્ટ લેવલને તોડ્યા બાદ હવે બજારમાં તમામની નજર 200 DEMA એટલે કે 17,550ના સ્તર પર છે, જે બુલ્સ માટે એકમાત્ર આશા છે.

સપ્ટેમ્બર 2022માં ઇન્ડેક્સ તેના ઉપલા લેવલેથી 7.5 ટકા તૂટી ગયો હતો અને 200 DEMA (16,750)ના તળિયા નજીક પહોંચી રિકવર થયો હતો. હાલમાં પણ આવી જ હિલચાલ જોવા મળી રહી છે. અત્યાર સુધીમાં નિફ્ટીએ તેની 18,888ની ઊંચી સપાટીથી લગભગ 7.4 ટકાનો ઘટાડો કર્યો છે. નિફટી લગભગ 200 DEMA નજીક જ કારોબાર કરી રહ્યું છે.

ક્યાં છે સપોર્ટ ઝોન? - શાહના મતે નજીકના ગાળામાં 17,470 અને 17,420 નજીક મજબૂત સપોર્ટ ઝોન છે. જો આ સપોર્ટ ઝોન નિફટી જાળવશે તો અમારી નજરે 17,800-18,200 સુધીનો અપટ્રેન્ડ જોઈ શકીએ છીએ.

બેંક નિફ્ટી અંગે રોહન શાહે કહ્યું કે તેઓ બેંક નિફ્ટીમાં 40,000ની નીચે એટલે કે 39,700-38,800ના ઝોનમાં ઘણો મજબૂત સપોર્ટ જુએ છે.

ભારે ઘટાડા વચ્ચે સંભવિત મલ્ટીબેગર્સ અંગે, તેમણે કહ્યું કે એવા ઘણા શેરો છે જે સારો દેખાવ કરી શકે છે અને 8-12 મહિના દરમિયાન ઘટાડે ખરીદીની વ્યૂહરચના સાથે તેમાં રોકાણ કરવું જોઈએ. અમારી ટોપ પિકમાં અશોક લેલેન્ડ, મેક્સ હેલ્થકેર, સુપ્રીમ ઇન્ડસ્ટ્રીઝ, IRCON અને એપોલો ટાયર્સ પર શાહ ખૂબ આશાવાદી છે.

બેંક નિફ્ટી અંગે રોહન શાહે કહ્યું કે તેઓ બેંક નિફ્ટીમાં 40,000ની નીચે એટલે કે 39,700-38,800ના ઝોનમાં ઘણો મજબૂત સપોર્ટ જુએ છે.

(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)